Hidingoto 1:26 - Ma Jou ai Demo-demo o Totobelohoka

²⁶ De yomaniata ipaha de ahao yodiai moi manga biaha abe yomakokamaihi la genangino de ka idadi ihioriki Ma Jou ai hininga. Ho yodiai manga gogiriaka de genangino ihidumutu o Matiasa ai romangika, ho una abe iwigoraka la unangoo wodadi nanga Baluhu ai hidingoto ma nyawa abe womahidogo ona yangimoi de yamoiika.

Hidingoto 1:26 ပူးပေါင်းရင်းမြစ်များ

Gogao 16:8

De genangoka o Harunu wapake ai mamaihi ma kiahonanga abe ihidingakoka Ngohino la wohioriki to Ngohi Ma Jou ahi hininga ma mau. Ho o Harunu naa ena wapake la adaene o kabingi ma nauru moiika abe Ngohi toiriki la idadi o Isiraele ma nyawa manga howono ma huhuba. De ma kabingi ma dodiawo ena gea ihitunguu la idadi o howono ma hikatingaka ma dodunguu. De o kabingi gea ahao yaloara duru kohagurutika o tonaka ma kakaahaika.

Yunusu 1:7

Ho o Yunusu womomiki de wodoa daku o kapa ma lokuiye de genangoka una de o kapa ma nyawa yomakoketemo, ato, “Abeika, ngone homatoomuino homaketebataru la homakamaihi la gea hohioriki to onagona manga howono hiadono o bodito naa hamake.” Ho ka de yomakamaihi de iwidumutu o Yunusika.

Maruku 6:30

De ipaha de o Yesusu ai hidingoto ma nyawa abe naa ma duruino wahidingotoka yahohinooto, ona gea yokokilioino de yomatoomuino o Yesusoka. Yomatoomuino de yoade-ade Unangika mata-mata abe hokokia manga dodagi ma goronaka yodiai de yodotoko.

Hidingoto 1:23

Ho manga doomuoka de naga o nauru yahinooto manga romanga ihipudaiye, abe womatengo o Yusupu abe naga ai romanga hinootoli angamoi utu iwifetongo o Barasabasa de utuoli iwifetongo o Yustusu. De abe womatengoli gea ai romanga o Matiasa.

Hidingoto 13:19

De ipahaino de ahao o Kanani ma tonakoka de Ma Jou wahibobinaaha ma tonaka gea ma nyawa ma doomu tumidi la manga tonaka gea wahidoakoli nanga totoforaika la idadi nanga oara ma tonaka.

Hidingoto 2:14

De ahao o Peturusu de ai dodiawo yangimoi de yamoi ona yomaokoino o nyawa yowoe-woe manga hima-himangoka. De o Peturusu waamo-amokiye de wotemo ona mata-mataika wato, “Ahi gogianongoru o Yahudi ma nyawa de ngini utu mata-mata abe o Yerusaleeme ma kotaka naa nimanoa. Abeika nitotoihene ahi demoino naa la ka idadi tinihitararono nginika!

Himatoko 21:14

De ma kota ma dadaduhu gea dau ma lifunoka naga ihiagu-agurika o hakaru ma ago-agomo ngimoi de hinooto abe ena gea duru ihiraika yakelengauku dau ma tonakuku. De ma hakaru amomoiika gea naga ihitulihika o romanga moi. De gea to ona manga romanga abe o Domba ma Ngofaka ai hidingoto ma nyawa ma dihiraino.