De yairiki ipahaino de ona gea yomakalawana. Ho ona homoi-homoi yomakoso manga musu yomatengoika manga tadaurika de ahao ka yatopoko manga gumurukika de manga humaranga. Ho ma bahauku de ona yamonaoko de yaiata mata-mata yoborihonenge ma titi manga nabo gea. De mangale ma titi gea hiadono o nyawa yahiromanga ma hikalawana ma ngi gea ato “O Humaranga ma Tonaka.”
Hidingoto 1:19 - Ma Jou ai Demo-demo o Totobelohoka19 De ai hohonenge ma ade-ade gea o Yerusaleeme ma nyawa mata-mata yokokiihene ho hiadono ona yahiromanga ma tonaka gea ato, “Akedama,” abe manga demo gea ma titi “o awunu ma tonaka.” အခန်းကိုကြည့်ပါ။ |
Hidingoto 1:19
6 ပူးပေါင်းရင်းမြစ်များ
De Ma Jou o Yawe wohitemo ngohino wato, “O tiwi hokogea dika ma amoko ka o hoheduino dika ho ani hewa ma tiwi gea naumo ahi tau ma goronaika, la una gea abe wotobadodiai o kiahonanga o tonakino, una dika ahao wamake.” Hokogea Ma Jou ai huhuloko ngohino ho ma tiwi o haakaino ise-senge moruange gea taumoka Ma Jou o Yawe ai Tau ma goronaika la ona ahao iwihidoaka duru unangika gea abe wotobadodiai o kiahonanga o tonaka itau-taulino ho ahao idadi to unangoli ai tiwi.
De ma tentara gea yahimoteke de o Yahudi ma nyawa manga hohidimono manga hidee ho yodafongo ma tiwi gea onangino de yoade-ade o nyawaika abe imaketero hoka yadotokoka onangika. De manga ade-ade gea duru imahikabarihi ka hiadono o Yahudi ma nyawa duru ko manga ngoe yoihene. De ngaro ma oraha naa abe ngohi ahi Abari ma Rorahai ma ade-ade tohitulihukuoka ma ona manga ngoe ka yomaketeade-adeohi manga ngeluku ma ade-ade gea.
De o Peturusu ka wotemohi onangika wato, “Ngini o Isiraele ma nyawa kiani nitotoihene ahi demoino! Naa ma duru o Yesusu, abe o Nasaretoka ma nyawa gea, Una wowango ti ngini nia hidogoronaka. De ma oraha gea de Ma Jou winihitaana nginika abe ma titi o Yesusu Una duru wagoungu nanga Mesia, Ma Jou ai Ngofaka abe wodiai o heheranga ma dodunguu ma ngoe Unangino. De gea wodiai duru ti ngini nia hidogoronaka la ka idadi niamake to Yesusu ai kuaha de ai buturungu duru kohaamoko.
ကြော်ငြာတွေ