Hidingoto 1:12 - Ma Jou ai Demo-demo o Totobelohoka

¹² De abe ma oraha o Yesusu wogoraka de ona naga o Saitunu ma lokuoka. Ho abe wogoraka ipahaino de iwinii-niiki ona yokokilio yotagi-tagi o Yerusaleeme ma kotaika, abe manga dodagi gea ngade-ngade o kilo moi ma gurutino dika yotagi, ko ikurutikaua.

Hidingoto 1:12 ပူးပေါင်းရင်းမြစ်များ

Matiusu 21:1

De ipaha de o Yesusu de ona yomakokutuono yoiki de de Una yomahiadonoka o Saitunu ma lokuika, abe imahikitigino de o Betefage ma kapongo. De gea yomahitigikaka o Yerusaleeme ma kotaika. De genangoka, o Saitunu ma lokuoka de o Yesusu wairiki yahinooto iwinii-niikino de wahidingoto doka o kapongika gea.

Matiusu 24:20

De kiani Ma Jouika nimagahoko la ma kokangela gea ko iboauahi abe ma oraha ma maata done duru nikangela niloara ma hoanika angamoi ma maata gea. De nimagahokoo la ma kokangela gea ko iboauahi o Hiaini ma wangeoka done nikangela nihupu o loku-lokuika.

Matiusu 24:3

De o Yesusu wotemo ibooto de yogila-gila yohupu o Yerusaleemino de youtiuku o dolaka, de ahao yodoali de yomahiadono o Saitunu ma lokuiye. De genangoka wogogeruku o Yesusu de iwinii-niiki yoboaino Unangino la ka ona dika genangoka de ahao iwileha ato, “Mia Baluhu, abe kangano Ngona notemoka nato Ma Jou ai Tau gea ahao ikilianga, gea ma titi o kia? Ho done ka muruonoka de ahao idadi Ma Jou ai Tauika gea? De ma dodunguu o kia abe ahao idadi la miamake de genangino mihioriki abe itigioka Ngona noboali de ka idadi mihiorikoo abe ma oraha ma bobaha adonoka? Ho abeika nomihingahu ma titi gea.”

Matiusu 26:30

De yolomo ibooto de ahao o higiriiri moi yonyanyiokahi Ma Jouiye de gea ma tauino yohupuoka de ahao yoiki yodoa o Saitunu ma lokuiye.

Lukasa 19:29

De ipaha de o Yesusu ona yomahiadonoka o Saitunu ma lokuika, abe imahikitigino de o Betefage ma kapongo de o Betania ma kapongoo, enangoo imahikitigino. De gea yomahitigikaka o Yerusaleeme ma kotaika. De genangoka o Yesusu wairiki yahinooto iwinii-niikino de wahidingoto doka o kapongika gea.

Lukasa 21:37

De o minggu gea o wange-wangeiye o Yesusu naga Ma Jou ai Tauoka watobadotoko o nyawaika. Ho duru o ngoru-ngorumino o nyawa mata-mata yokokimomiki la yoboa Ma Jou ai Tauino de yototoihene o Yesusu ai demoika. De wadotoko ipaha de o futu-futuiye Una wohupu ma kotaino de womanoa o Saitunu ma lokuoka.

Lukasa 24:50

De ipahainoli de o Yesusu wao ona abe iwinii-niiki la yohupu ma kotaino gea de yoiki o Betania ma kapongika. De genangoka ai giama wagorakiye de wagahoko ma owa onangika.

Lukasa 24:52

De gea yamake abe Una iwigorakiye ho yomahuba-huba o Yesusika. De yomahuba ibooto de yolio o Yerusaleemika, de manga kokihiningaka duru aomangoka de manga garago.

Yohanese 11:18

De o Betania ma kapongo de o Yerusaleeme ma kota ko ikurutikaua imakitingaka, abe ma hoana ma gurutika ko adonua o kilo hange. Ho naga o Yahudi ma nyawa manga ngoe yoboaino la ato yalaru o ngo Maria de o ngo Marata angamoi manga iranga wohonengoka.