Hidingoto 1:10 - Ma Jou ai Demo-demo o Totobelohoka

¹⁰ De ona iwinii-niiki duru ka ihitailohi la ato iwimake daku, masara ka itodokanino de naga o nauru yahinooto yomaokoino manga datekoka. De to ona manga baju duru iarehe.

Hidingoto 1:10 ပူးပေါင်းရင်းမြစ်များ

2 Kokoano 2:10

De o Elia wopaluhu, wato, “Ani gogahoko gea ngohi tokangela tohingodumu. Masara nako ngona nohimake de ani lako ma oraha ihihikatingaka ngonaino gea de ahao marai ani gogahoko namake. Ma, nako ko nohimakeua marai ani gogahoko gea ko namakeua.”

Matiusu 17:2

De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Matiusu 28:3

De to una ai himanga gea duru kohadararono abe hoka o leletongo ma dararono, de nako ai baju gea duru ma gare-garehe, abe ma magarehe gea hoka o gotoaka ma gogo ma magarehe.

Maruku 16:5

De ahao yowohamika o lungunoka de naga iwimake womatengo abe ka o goduuruohi wogogeruku manga nirakoka, de to una ai baju duru iarehe. De o ngo-ngofeka gea duru yatodokana.

Lukasa 24:4

De manga hiningaka yolilifangoka, masara ka itodokanino naga o nyawa yahinooto yomaokoino manga datekoka de manga baju duru iareheholi hiadono yahidotararono onangika.

Yohanese 20:12

De muna mamake naga o malaekata yahinooto yogogeruku o kiaka ma dihira o Yesusu iwikelengauku ho ai pea ma dingiioka wogogeruku o malaekata womatengo de naga womatengoli ai lou ma dingiioka wogogeruku.

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 10:30

De o Koroneliusu wopaluhu wato, “Ma futu iata abe o bimaowaka o takoro hange de ngohi naga ahi tauoka tomaniata. De ka itodokanino naga womatengo womaokoino ahi himangoka de ai baju duru de ma dararonoka.

Himatoko 3:4

“Masara igoungu naga inimuruono naga o Saridisi ma kotaka gea abe nimaagoanohi la niato ufa naga ma peseke nginioka. De ngini gea ahao naga nia baju ma gare-garehe nimahinoauku de gea ngini de Ngohi homakiniiki hotagi-tagi, angamoi Ngohi tinitailakoka nia hininga de tinietongo tato itiai homakiniiki ngini de Ngohi.”

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.