Habaku 3:3 - Ma Jou ai Demo-demo o Totobelohoka

³ Ngohi o Habaku tomaniata ipaha de ahao Ma Jou wohihimatoko moi ngohino abe ma himatokino gea de ka idadi tamake Ma Jou ai buturungu. De hokonaa ai himatoko ma dola tamake. Ngohi timake Ma Jou Una o Edomo ma tonakoka de waino woboa. Una abe Wotebi-tebini o Parana ma lokuoka wosoboka de naa woboaino naangino. De ka idadi tamake to Una ai medebini ma dararono daku ma dihangoka arihonongaka. De nako dau o duniauku naa ngaro o kia-kiaka dika masara naga o nyawa abe iwihigiriiri Unangika.

Habaku 3:3 ပူးပေါင်းရင်းမြစ်များ

Dodadi 36:11

De o Elifasa ai ngofaka yamotoa manga roma-romanga o Temana, o Omara, o Sefo, o Gaetama de o Kenasa.

1 Kokoano 11:18

Abe o Edomo ma tonakoka yosobo de ihira yoiki o Midiana ma tonakika de ahao yogila-gila o Parana ma tonaka ma kakaahaika. De genangoka naga o Parana ma nyawa yamuruono naga yomahidogo onangika de ahao ona gea mata-mata yosobo yotagi-tagi de yomahiadono o Mesiiri ma tonakika. Yomahiadonoka de ahao o Mesiiri manga koano wasanangi onangika ho wahidoaka o tonaka de o tau de o inomo onangika.

Higiriiri 68:17

Ma Jou ai goroba abe ma rupa o goroba parangi naga isana abe isana, Ko idadiua haetongo ai momalaekata o dihangoka ai gogorobaka gea, De angamoi kohangoe ona Ma Jou ai gogorobaka iwihigilolitino, Ho abe ma oraha o Sinai ma loku wanoa de wogoraka dakuiye, Wowohama ai ngi duru kohamedebinika abe Una womadingakoka.

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Yesaya 6:3

De ma serafa gea yomakokoboaka ato, “Ma Jou o Yawe abe wahipareta o Horogaka ma tentara, Una gea duru ko ai medebini! De o dunia ma amokika aomangoka de to Una ai medebini ma dararono!”

Habaku 2:14

De ahao ma oraha o nyawa yamake abe nia tau irusakoka gea de marai o nyawa mata-mata o duniaka naa ka idadi ihioriki abe Ma Jou Una ai medebini ma dararono duru ilamoko!’”

Gegetongo 10:12

Ho o Isiraele ma nyawa o Sinai ma tonaka ma kakaahaka yanoa de o lobi ma lou yahihira-hira manga ngekomika. De ona yotulu-tulu ka hiadono o lobi ma lou gea imatogumoka o Parana ma tonaka ma kakaahaka.

Higalioli 33:2

“Ma Jou o Yawe Una woboa o Sinai ma lokuoka de waino ngoneino, de ipahaino de Una o Edomo ma lokuoka de wonahitawangeuku ngoneuku. De ipahainoli de Ma Jou ai dararono ma medebini inahitararono ngoneuku o Parana ma lokuoka de auku, de gea naga ai momalaekata yasana ngimoi abe iwinii-niiki Unangika. De ma oraha gea ai giama ma nirakoka naga wasoino o uku moi abe itoka-tokara.

1 Samuele 25:1

De ipaha ahao o Samuele wohonenge de o Isiraele ma nyawa mata-mataika yomatoomuino iwihininga una ai dekana wahihira. De iwigari abe ihitunguu manga huha de manga horomati unangika de ahao iwilungunu o ngi moioka abe duru itigioka de ai tau abe o Rama ma kotaka. De o Samuele wopahaka de ahao o Dautu wosobo la womanoali o Parana ma tonaka ma kakaahaka.