“Hokonaa ma ngekomo nako idadi nia hidogoronaka naga o nyawa yahowono abe yahipeseke Ma Jou o Yawe ai kiahonangika abe niwidingakoka Unangika. De ngaro manga howono ko manga hiningakaua de aino de ahao hokonaa ma hiaturu abe kiani yaniiki. Ona kiani yale manga huhuba o duduonino o domba ma nauru ma baluhu abe ko iwa ma heluku eko ma nabo ma badangoka. De o domba gea kiani ma ija yaetongo itiai de o tiwi o se-senge o haaka ma dutuino abe niapake o Hikamake ma Tauoka.
Gogao 6:6 - Ma Jou ai Demo-demo o Totobelohoka6 De ona ko o nyawaikaua dika yahowono masara duru Ma Jou o Yaweikaoo yahowonoka ho kiani manga howono ma huhuba yomagao nia hidemoika la una wahidemo Ma Jou o Yaweika. De manga howono ma huhuba gea kiani o domba ma nauru ma baluhu abe ko iwa ma heluku eko ma nabo ma badangoka. De nako ko idadiua yamake o domba ma huhuba hokogea kiani yofangu nia hidemoika de o domba ma ija itiai. De o domba ma ija kiani yaetongo de o tiwi o se-senge o haaka ma dutuino abe niapake o Hikamake ma Tauoka. အခန်းကိုကြည့်ပါ။ |
Gogao 6:6
8 ပူးပေါင်းရင်းမြစ်များ
Ho onangoo kiani manga huhuba o duduonino o domba ma nauru ma baluhu abe ko iwa ma heluku eko ma nabo ma badangoka. De o huhuba ma domba gea kiani ma ija yaetongo itiai. De hokogea ma ngekomo la nia hidemo manga howono ma huhuba wahihuba ibooto de una wahitebini ona Ma Jou ai himangoka abe manga howono watamunoka la Ma Jou ka idadi wahiapongo.
De Ma Jou wahidoaka o howono ma huhuba ma ngekomo moioli nako ona o huha ma nyawa, wato, “Masara naga o nyawa utu abe yomahipeseke de o howono ma rupa-rupa gea de done ona ko iwa manga domba eko manga kabingi de ko yakunua manga huhuba gea yomaijaino. Ho ona gea kiani yaleino o kuumu-kuumu hinooto eko o namodaara hinooto la ena gea manga hidemo wahihuba Ma Jou o Yaweika. De o totaleo hinootoino gea de yapake moi la idadi o howono ma huhuba abe de ma awunu manga howono ihitamunu, de abe moioli idadi o howono ma huhuba iharo-harongo.
ကြော်ငြာတွေ