Gogao 5:6 - Ma Jou ai Demo-demo o Totobelohoka

⁶ De ahao kiani manga howono ma huhuba yomahihuba Ma Jou o Yaweika. De manga howono ma huhuba ka idadi manga duduonino ma beka ngaro o domba eko o kabingi. De manga huhuba gea ihiromanga o howono ma huhuba de nia hidemo Ma Jouika ahao waduhunu de manga huhuba la wahitebini manga howonino Ma Jou ai himangoka. De hokogea ipaha de ahao Ma Jou wahiapongo angamoi manga howono yatamunoka de manga huhuba gea.”

Gogao 5:6 ပူးပေါင်းရင်းမြစ်များ

Gogao 4:20

Abe una wodiai kiani waniiki imaketero abe hoka ona o hohidemo ma hirete yodiai de to ona manga howono ma huhuba. Ho una wodiai imakadaene la gea o Isiraele ma nyawa wahitebini Ma Jou ai himangoka la Ma Jou manga howono gea wahiapongo.

Gogao 4:28

Ho ka de yomangaratii abe gea yodiai ihowono kiani manga huhuba yaoino la nia hidemo ka idadi ena gea yahihuba la manga howono gea yatamunu. De manga howono ma dadamunu ma huhuba gea kiani o kabingi ma beka iti ufa naga ma heluku eko ma nabo la idadi to ona manga huhuba.

Gogao 4:31

De ona abe yahowono kiani o kabingi ma haki mata-mata ma pokoro ma goronaka yagoraka imakadaene hoka yodiai de o gogao ma huhuba. De ahao ma hidemo wale ma haki gea de wohidaulu o Haro-harongo ma Huhuba ma Ngi ma lokuoka de ma haki ma bounu ihailiye de duru ihihisanangi Ngohi Ma Jou o Yaweino hiadono manga howono gea ko tolegaikakaua angamoi yatamunoka de manga huhuba gea abe todafongo de ahi sanangioka.” Hokogea Ma Jou ai hitararono abe hokokia manga howono gea ihitamunu de o howono ma huhuba ngaro ona ko manga hiningainoua manga lawana hiadono yahowono.

Gogao 4:32

De utuohi Ma Jou wahitararono, wato, “De nako o nyawa yoboa manga hidemoino de o domba la idadi to ona ma hirete manga howono ma huhuba gea kiani o domba ma beka iti ufa naga ma heluku eko ma nabo.

Gogao 4:35

De ahao una kiani o domba ma haki mata-mata ma pokoro ma goronaka wagoraka imakadaene hoka yodiai de o gogao ma huhuba ma aewani. De ahao ma hidemo wale ma haki gea de wakelenga wohiloku-loku o huhuba utu abe kanganoinohi wakelengaka o Haro-harongo ma Huhuba ma Ngi ma lokuoka la ka idadi o howono ma huhuba mata-mata gea wohidaulu. De hokogea o hidemo wohihuba de o uku o nyawa ai howono ma huhuba Ma Jou o Yaweiye. Abe ka de ma hiaturu gea o hidemo waniiki itiai de o nyawa gea wahitebini manga howonino abe yahitamunu de manga huhuba gea la ka idadi Ngohi Ma Jou tahiapongo.” Hokogea Ma Jou o Yawe wihidoaka o Musaika o Isiraele ma nyawa manga ngekomo la manga howono Ma Jouika waofi.

Gogao 6:6

De ona ko o nyawaikaua dika yahowono masara duru Ma Jou o Yaweikaoo yahowonoka ho kiani manga howono ma huhuba yomagao nia hidemoika la una wahidemo Ma Jou o Yaweika. De manga howono ma huhuba gea kiani o domba ma nauru ma baluhu abe ko iwa ma heluku eko ma nabo ma badangoka. De nako ko idadiua yamake o domba ma huhuba hokogea kiani yofangu nia hidemoika de o domba ma ija itiai. De o domba ma ija kiani yaetongo de o tiwi o se-senge o haaka ma dutuino abe niapake o Hikamake ma Tauoka.

Gegetongo 6:12

De ani behehongo ma dihira to ena ma oraha ko idadiokaua naetongo ngaro o wange muruono naniikoka. Ho ka de ngona nohibehehongoli Ma Jou o Yaweika de kiani nomulaenge ani oraha ma hungioli naetongo ka hiadono nabooto ani behehongo ma oraha abe ma dihiraino nohibehehongo la ma dekana ani wowango nomatingaka Ma Jou o Yaweika. De ma oraha ani behehongo ma hungi nodiai Ma Jou ai Tauoka de kiani naoino o domba ma nauru abe ma ngumuru adonoka o taongo moi la idadi to ngona ani huhuba abe atamunu ani howono ani wowangoka abe ko ani hiningainoua ipuda ma howono. Ho o huhuba gea enangoo kiani nihidoaka ani hidemoika abe wonihitobahihuba-huba Ma Jouika.’ De hokogea, Musa, kiani nahitararono onangika abe yoigo yaniiki o behehongo o Nasiri.”