Gogao 4:15 - Ma Jou ai Demo-demo o Totobelohoka

¹⁵ De duru genangoka ahao o Isiraele ma nyawa manga dimo-dimono yafokumu o hapi ma nauru ma peauku la ihitunguu ena gea to ona mata-mata manga howono ma huhuba. De genangoka, o Hikamake ma Tau ma himangoka, ona ahao manga hapi o dutu moi gea yatoma de yotetoro Ma Jou o Yawe ai himangoka.”

Gogao 4:15 ပူးပေါင်းရင်းမြစ်များ

Huhupu 24:1

De Ma Jou o Yawe wihuloko o Musaika wato, “Musa, ngona naa kiani nodoa ahi lokuino naa de kiani o Harunu unangoo niao de to una ai ngofa-ngofaka o Nadaba de o Abihu nao. De o Isiraele ma nyawa manga hihira yamoritumidi onangoo kiani nakokiao. Masara ngini nidoaiye ko ikurutiyeuahi de genangoka kiani nimahubakahi.

Huhupu 24:9

De ahao o Musa, de o Harunu, de o Nadaba, de o Abihu, de o Isiraele ma nyawa manga hihira yamoritumidi gea, yomakutuono yodoa o Sinai ma lokuiye.

Gogao 1:3

“De nako manga huhuba gea o huhuba iharo-harongo abe yale manga duduonino o hapi gea kiani yomahihuba ma nauru abe duru ko iwa ma heluku eko ma nabo. De abe womatengo womahihuba to una ai hapi ma nauru gea kiani wao o Hikamake ma Tau o Ngoerino ma ngoranika. De genangoka ai hapi wahidoaka onangika abe yodadioka nia hohidemo Ngohino abe ona yatobaleleani de manga huhuba iharo-harongo. Ho ai huhuba wahidoaka onangika genangoka la ka idadi Ngohi Ma Jou o Yawe todafongo.

Gogao 1:4

De ahao una ma aewani ma dutu kiani wafokumu ai huhuba ma aewani ma peauku la wohitunguu ma aewani gea to una ai duruuru. De ahao ona o hohidemo ma nyawa ka idadi yodafongo ai duruuru gea de o aewani ma dutu iwihihuba la idadi to una ai howono ma dadamunu.

Gogao 16:21

De ihira una de ai giama hinooto wafokumu o kabingi gea ma peauku de o Isiraele ma nyawa mata-mataika una wahidemo ho o kabingi gea wafokumu de wohidefetongo ka ma moi abe o Isiraele ma nyawa manga howono irupa-rupa Ngohino. De o Harunu ai hingahu gea ngade-ngade imaketero hoka ona ma hirete yomangaku manga howono irupa-rupa Ngohino. Hokogea o Harunu wohitunguu abe manga howono mata-mata wakelenga o kabingi ma peauku la ena idadi o howono ma hikatingaka abe yaloara duru kohagurutika o tonaka ma kakaahaika. De naga o nauru womatengo abe iwiirikoka la una ma kabingi gea wangotaka duru kohagurutika la ihikatingaka de o Isiraele ma nyawa manga dodogumu ma ngiino.

Gogao 4:16

De Ma Jou wahitararonohi, wato, “De ahao to ona manga hidemo wokokurutiye, una gea waleino o hapi ma nauru ma awunu ma hononga de wowohama doka o Hikamake ma Tau ma goronaika.

Gogao 4:4

To una ai hapi gea kiani wohihidoaka Ngohino ahi Tau o Ngoerino ma himangoka abe tohiromangoo o Hikamake ma Tau. Ho duru genangoka ai howono ma huhuba ma hapi wafokumu de ahao una ma hirete watoaka ma ngomaha to Ngohi, Ma Jou o Yawe ahi himangoka.

Gegetongo 11:16

Gea o Musa womahingahu ai hininga ma huha ibooto de ahao Ma Jou o Yawe wihibehehongo o Musaika wato, “Hokonaa Musa toniduhunu, ngona natoomuino o Isiraele ma nyawa manga hihira yamoritumidi abe ona gea nahioriki ona yososawaro o kokawaaha yahihira de manga hiaturu itiai. De ahao ona gea nao nanga Hikamake ma Tauino. Duru ahi Tau o Ngoerino ma himangoka ngini nimatatorika ngona de ona yamoritumidi gea.

Gegetongo 11:25

De ahao Ma Jou o Yawe wouti de womahihawo de ma lobi abe ma dihiraino de womahitobahihawo-hawo de ma lobi gea de witemo o Musaika. De ai Womaha abe naga o Musaka gea ena abe ma Womaha ahao wahinoa o dimo-dimonukuoo yamoritumidi gea. Ho ka de Ma Jou o Womaha yahiakunu de yamoritumidi gea yomulaenge yotemo-temo de Ma Jou ai Demo-demo, de o higiriiri ma demo abe ngaro ma dihiraino de ko ma moiuahi yomadotoko la ihioriki ma demo gea. Masara naa ka idadi yotemo de o higiriiri ma demo gea. Masara gea ka ma moi dika hokogea Ma Jou wahiakunu onangika hokogea. De gea Ma Jou wodiai la o Isiraele ma nyawa ka idadi yoihene manga demo gea de ihioriki gea o dodunguu abe ona yamoritumidi gea Ma Jou duru wahiakunu la yodadi to Una ai nyawa manga hihira. Abe itiai manga gogianongoru yangaku onangika imaketero hoka o Musaika iwingaku.