Gogao 20:10 - Ma Jou ai Demo-demo o Totobelohoka

^10-11 De Ma Jou wahingahu wato, “Nako naga yomakitigi o nauru de o ngofeka de muna gea o nyawa utu manga fekata ahao ona yomakitigi gea kiani niahohowono ka hiadono ona o nauru de o ngofeka gea niahohonenge. De nako naga nginioka o nauru abe una de ai baba ngoi fekata yomakitigi de una wahowo-howono gea duru wihimaleke ai babaika. Ho duru tinihitiari la ufa niahowono hokogea abe idadi o himaleke ma amoko nia hidogoronaka. De una de ai baba ngoi fekata kiani niahohowono ka hiadono ona yahinooto yohonenge. Abe ngaro hokogea niahohonenge masara ona imaketero hoka to ona ma hirete manga awunu yakopoa.” Hokogea Ma Jou wahohowono o Isiraele ma nyawa nako yomakitigi ihowono mangale ma titi ai dora ai nyawaika.

Gogao 20:10 ပူးပေါင်းရင်းမြစ်များ

2 Samuele 11:5

De muna modami ho ahao ami hingahu mohidingoto o Dautika, mato, “Ngohi naa naga de ahi badangoka.”

2 Samuele 12:13

De o Dautu duru itaiti womatoduba wato, “Ngohi naa duru tahowonoka Ma Jou o Yaweika.” De o Natana wipaluhu wato, “Ma Jou ani howono wonihiapongoka ho ngona ko nohonengua ma titi ani howono gea.

Huhupu 20:14

“Ngini ko idadiua nimakitigi de o nyawa ngaro onagona dika nako ko nia fekatua eko ko nia rokatua.”

Gogao 18:20

‘Ko idadiua o nauru nimakitigi de o nyawa utu manga fekata. Ka de ngini nimakitigi de ngona o nauru nomahidadidorou.’

Maleaki 2:15

De naa tinileha, ngini bote niato ko Ma Jouua abe winihidadi moi de nia fekata? Koua, duru Una gea abe winihidadi moi, abe nia badanginoo de nia womahinoo ma nidadi to Una. De gea to Una ai mau sarakia abe nginioka de aino? Gea woigo wamake o ngofa-ngofaka abe iwiniiki Unangika. Ho mangale ma titi gea hiadono ngini kiani nimagoana nia gogao nia fekatika abe ngini ka o goohi de niilaka munangika.