Gogao 2:12 - Ma Jou ai Demo-demo o Totobelohoka

¹² Ma nako ma oraha nimahihuba nia huhuba nia datomino ma domoro de ka idadi o ragi de o ofungu ma gula niahihuba Ngohi Ma Jou o Yaweino iti ufa idadi nia huhuba iharo-harongo. De angamoi duru ko idadiua naga ma hisapuru o ragi eko o ofungu ma gula abe nihidaharongo de nia huhuba iharo-harongo. Hokogea ahi behehongo ma hiaturu la nia huhuba iharo-harongo ihihisanangi Ngohino.

Gogao 2:12 ပူးပေါင်းရင်းမြစ်များ

Dodadi 23:17

De o Eforono ai redi o Makapela ma ngioka imakitingaka ko ikurutikaua de o Mamere ma ngi. Ho ma ngi gea idadioka to Abarahaamoli ai tonaka ka ma moi de ma aruku de ma gota mata-mataika abe naga o redioka gea.

Huhupu 23:19

“Ho ti ngini nia tonaka ma dato-datomino ma domoro ma hononga abe ka enangohi irahai kiani niao Ngohi Ma Jou o Yawe ahi tauino la gea ena idadi nia hidoaka Ngohino.” “De ufa nimaaduru hoka o nyawa utu manga biaha abe o kabingi ma ngofaka eko o domba ma ngofaka ma roehe ihihakai ka ma moi de to ena ma ayoino ma huhu ma teongo.” Hokogea Ma Jou wahidoaka o Isiraele ma nyawaika manga rame-rame ma hiaturu la ihirame-rame itiai Ma Jouika.

Huhupu 34:22

“De o tao-taongiye kiani nihirame-rame o Domoro ma rame-rame abe nimahihuba Ngohino nia datomo o gandumino ma hasili ma domoro. De ahao nihirame-rameoli o Gugutuku ma rame-rame abe ma oraha nia datomo hoka o pine eko o gandumu ma hasili ma amokino niautuku niabootoka.

Gogao 23:10

“Musa, naga ti ngini nia rame-rame utuohi ma hiaturu abe enangoo kiani o Isiraele ma nyawa yaniiki itiai ma oraha yowohama o tonakika gea abe Ngohi tinihibehehongoka nginika tinihidoaka. Ho ma oraha ngini nimaredi genangoka de kiani nimahihuba nia datomo ma domorino. Abe ma oraha nia datomo o gandumu ikuratioka de gea ihira-hira abe niautuku gea nihiromanga to ena o gandumu ma hofoko ma riaka ma domoro, gea ena idadi nia huhuba ti ngini nia redi-redino. De angamoi nia gandumu ma hasili gea ko niaolomuahi de kiani ma hofoko ma riaka abe duru ma domoro niwihidoakuahi Ma Jouika ho nimagooto dika hiadono idadi o pakiti moi de gea ena niao nia hidemoika.

Gogao 23:17

Ho o wange ma moritoa gea nidiai nia huhuba o roti nia gandumu ma hungino. Nia huhuba ma roti nenanga kiani nidiai o tariguino abe duru ma alu-aluhino o duduga hange ho ngade-ngade o litere iata ma amoko. De nia roti niaharongo la idadi o roti ma bululunu hinooto abe niao nia hidemoika de una wohidoakiye la enangoo gea idadi o hipari-parihi ma huhuba abe niapake nia gandumu nia gugutukino abe niabootoka. De ka ihikaika ngaro o kiaka dika ngini nigogere kiani nimahidiai nia huhuba nenanga nia roti o haro-harongino o bululunu hinooto abe nihifero de ma hisapuru o ragi.”

1 Korintusu 15:20

Masara ona gea ko yagoungua, angamoi o Kristusu Una gea duru igoungu womomikoka ai honengino. Ho gea itararonoka abe ona yohonengoka ahao ka idadi manga honengino yomomiki, angamoi o Kristusu Una womomikokau. De Una o Kristusu wodadioka hoka o momomiki ma domoro, abe Una duru wohira womomiki ai honengino de ko wohonengokaua. De nako o gota ma hofoko ma domoro, gea o himatoko moi abe ahao naga utuoli itoturuino ma hofoko ma ngoe-ngoe. De gea imaketero abe hoka o momomiki, abe Una gea o momomiki ma domoro. Abe wodadi o himatoko moi abe ahao naga utuoli yohonenge yowoe-woe yototuruino ahao yomomiki abe imaketero hoka Unangoli womomikoka.

Himatoko 14:4

De ona gea manga wowango ma datoro duru itebini, de ona duru yatobagou-goungu iwinii-niiki o Domba ma Ngofakika dika, ho ona yomaketero hoka o nauru abe duru ko yahowo-howonua de o ngofekaika ho yotebi-tebini, angamoi ona ngaro o kiaika dika o Domba ma Ngofaka woiki, ma onangoo ka ihikaika iwinii-niiki genangika. De ona gea abe wabanguoka la yodadi to Una ai nyawa de to Ma Jouoo ai nyawa, de gea imaketero hoka ma dihiraino o Isiraele ma nyawa manga gota ma domoro ma hofoko gea iwihidoaka Ma Jouika la enangoo gea idadi to Una.