Gogao 18:27 - Ma Jou ai Demo-demo o Totobelohoka

²⁷ Angamoi ka ma dodihirainohi o howono mata-mata gea idadioka to ona manga datoro ma biaha abe yogogere o Kanani ma tonakoka hiadono tato manga tonaka gea ihidadidorou.

Gogao 18:27 ပူးပေါင်းရင်းမြစ်များ

1 Kokoano 14:24

De ma oraha gea nagali o nyawa abe yomahidadidorou ma huhuba ma ngi-ngioka gea, de manga howono duru itorou gea imaketero dika hoka o homoa ma nyawa manga howono abe ma dihiraino yomanoa ma tonakoka gea. Abe Ma Jou wakiniiki o homoa ma nyawa gea manga tonakoka de yaika la to Unangoli ai nyawa ka idadi yomanoa genangoka, masara naa onangoo manga howono ka imakadaene dika de ma nyawa gea.

2 Kokoano 21:2

De o Manase una duru wodiai abe itotorou Ma Jou o Yawe ai himangoka angamoi una waniiki o nyawa manga biaha abe ma dihira Ma Jou o Yawe wahihupu o Kanani ma tonakino. Ho ona gea Ma Jou wahihupu de waturuuru de o Isiraele ma nyawa abe onangoli wahigogere o Kanani ma tonakoka gea.

Gogao 18:24

‘Nako ngini nimahidadidorou de o howono abe Ngohi Ma Jou naa tafetongoka nginika, gea nianiikoka to ona manga biaha abe yogogere o Kanani ma tonakoka. De mangale ma titi to ona manga howono gea hiadono Ngohi ahao tahihupu ona gea o Kanani ma tonakino. Ho Ngohi naa tinihidoakokau ahi pareta ma hiaturu ma ngekomo la ufa nginioo nimakitigi ihowono hoka onangoli.

Gogao 18:26

Masara ma oraha ngini o Isiraele ai totoforauku ahao Ngohi tinihigogere genangoka o Kanani ma tonakoka de kiani ngini nihidodiai nianiiki itiai ahi hiaturu ma ngekomika de nihingounu ahi pareta mata-mataika. De ngaro naga o homoaino ma nyawa nia hidogoronaka ho nimahidogogere moi, ma, onangoo ko idadiua yahowono hoka kangano Ngohi tinihingahuoka.

Gogao 18:28

De nako nginioo ahao nihipeseke ma tonaka gea hiadono nihidadidorou imaketero hoka onangoli ma dihira ihipeseke de ahao Ngohi todiai la ma tonaka gea nginioli inihingunanga abe ma titi inihihupu genangino.