Gogao 16:31 - Ma Jou ai Demo-demo o Totobelohoka

³¹ Ho o wange gea kiani niaetongo o wange ma debi-debini ho idadi o Hiaini ma wange abe duru nimahiaini dika nia karajaangino. De Ngohi tinihibehehongoo abe duru o inomo ko niaolomua la nimahihohininga ti ngini nia howono Ngohino. De o Howono ma Dadamunu ma Wange ma hiaturu ma behehongo naa tinihidoaka la idadi o pareta nginika ka hiado-adonika.”

Gogao 16:31 ပူးပေါင်းရင်းမြစ်များ

Huhupu 31:15

Angamoi naga o wange butaanga abe ngini ka idadi nikarajaanga masara ka de ma wange tumidoka de adonoka o Hiaini ma wange abe Ngohi Ma Jou o Yawe tomadingakoka la nia hininga ma dumutu duru Ngohino dika. Ho onagona abe yokarajaanga o Hiaini ma wangeoka kiani ona niahohonenge.

Huhupu 35:2

Ngone o Isiraele ma nyawa o wange butaangaino hapake la hokarajaanga masara ka de ma wange tumidoka de gea ena idadi o wange ma debi-debini ngoneino. O wange tumidi idadi to ngone nanga Hiaini ma wange abe homadingakoka la nanga hininga ma dumutu ka Ma Jou o Yaweika dika. Ho onagona dika nanga doomuino abe yokarajaanga o Hiaini ma wangeoka, ona gea kiani hahohowono ka hiadono yohonenge.

Gogao 23:32

Abe o wange gea duru idadi ti ngini nia Hiaini ma wange abe ko niolomuahi de ko nikarajaanguahi de ko iwa moi utu nimahiaka angamoi homoi-homoi nia kokihiningaka kiani nimahitipokouku ahi himangoka. De ti ngini nia hiaini imulaenge ka de o wange imahidutuluku ka hiadono ma dawangeino abe nia howono ma dadamunu ma wange. De angamoi gea ena ma wange abe inihihuba la nia howono atamunu ho nia hiaini igila-gila ka hiadono ma wange imahidutulukoli abe genangoka de ahao nia hiaini ibooto. De gea ahao ka idadi o inomo niaolomoli.” Hokogea Ma Jou ai hiaturu wahiree-reeika onangika la ka idadi manga howono ihitamunu o taongo moi ma moi.