Gogao 16:30 - Ma Jou ai Demo-demo o Totobelohoka

³⁰ De hokogea tinihibehehongo, ngini nia doomu ma amokika, angamoi duru o wange gea ti ngini nia hidemo wokokurutiye winihihuba nia howono ma huhuba abe idadi ti ngini nia howono ma dadamunu la inihitebini Ngohi Ma Jou o Yawe ahi himangoka.

Gogao 16:30 ပူးပေါင်းရင်းမြစ်များ

Higiriiri 51:10

Ahi Jou! Ngohi ahi hininga de ma pesekoka ho ngohi duru tomatoduba, De tomagahoko la nokarajaanga ahi hiningaka hiadono duru itebinoka, Ka idadi Ngona ahi hininga naturuuru de o hininga ma hungi ahi wowangoka.

Higiriiri 51:2

Ahi howono duru idadioka imaketero de o noda to ngohi ahi wowangoka, Ho imaketero hoka o pakeanga yonodaka kiani duru homaboka, De ka hiadono ma noda gea ihihanga la ma pakeanga idadiokali iarehe, Hokogea tomagahoko la Ngona nohihitebini ahi howonino, Ma Jou!

Higiriiri 51:7

Duru tomatoduba de tonganono la Ngona Ma Jou nohihitebini ahi howonino, Ngaro de o huhuba ma awunu napake la ahi peseke nohihihanga. Nohihiohiki ngohi hoka ona abe yapado nahitebini manga panyakeino, De ahao to ngohi ahi medebini imaketero hoka o gotoaka ma gogo ma magarehe.

Gogao 23:27

“De o Guguli ma rame-rame ipahaika o wange hiwo dika ma dekana de adonoka o Howono ma Dadamunu ma Wange ma gahe. De o wange gea ufa ngini niolomo la nimahitipokouku to Ngohi ahi himangoka. De ko idadiua o inomo niaolomo la nimahihohininga ti ngini nia howono Ngohino. De nia huhuba naga abe kiani nimahihuba Ngohi Ma Jou o Yaweino de o uku. Ho ngini mata-mata kiani nimakokitoomuino de nia doomu gea nihiromanga o debi-debini ma doomu angamoi ma wange gea Ngohi tomadingakoka.

Gogao 23:28

De o wange gea duru ko idadiua nimakarajaanga abe nia karajaanga o kia dika angamoi o wange gea o Howono ma Dadamunu ma Wange. De ti ngini nia hidemo ona inihihuba Ngohi Ma Jou o Yaweiye abe Ngohi ti ngini nia Jou. De ti ngini nia howono ma dadamunu abe inihitebini ahi himangoka gea ena abe ona inihihuba.”

Efesusu 5:26

De gea womahidoaka la ngone wonahitebini nanga howo-howonino. De gea ngade-ngade imaketero abe hoka momatengo o ngofeka mato moilaka. Muna gea ko moilakuahi de kiani imiohikohi la ma oraha imiao ami darunika de muna duru motebinoka. Masara nako ngone o Kristusu ai garejaka, ngone wonahitebini ko de o akerinoua masara Una wonahitebini de to Una ai Demo-demoino abe to ngone nanga howonino.

Titusu 2:14

Abe Una gea womahidoaka la ka idadi wonahihohe nanga howono ma kuahaino de wonahitebini nanga wowango. De ai datorino gea de wonatingaka Unangino la hiadono hodadi to Una ma hirete ai nyawa, de Una woigo wato ngone duru inamagawe hotobadiai ma rorahai dika. Ho mangale ma titi ai hininga ma owa gea ngoneino ho hiadono ngone mata-mata kiani nanga wowango hao itiai ma oraha naa de ka hiadono nanga Baluhu ai gahe ma wange adonoka.