Gogao 10:2 - Ma Jou ai Demo-demo o Totobelohoka

² Ho ka itodokanino naga o uku Ma Jou o Yaweoka de aino de yadaene o Nadaba de o Abihu o Tau o Ngoerino ma himangoka de genangoka ona yokokihonenge Ma Jou o Yawe ai himangoka.

Gogao 10:2 ပူးပေါင်းရင်းမြစ်များ

2 Samuele 6:7

Masara Ma Jou o Yawe ai ngamo iwidubuku unangika ho itodokanino de o Usa Ma Jou wihohonenge ho ai honenge iruba duru Ma Jou ai Peti ma datekoka. De hokogea idadi angamoi Ma Jou wato ko idadiua o nyawa yaso Ma Jou ai Peti ma debi-debinika gea.

1 Kokoano 13:28

De una wosobo woiki hiadono wamake ai dodiawo gea ai honenge ma ngekomoka, de ka nagahi ma keledai de ma singa imaokoino gea ma datekoka. De barikua ma singa gea itobaolomo o roehe masara ko aolomua una gea ai honenge de ko abaatua ma keledaiika.

1 Kokoano 18:38

De ahao ka itodokanino Ma Jou o Yawe ai uku wohiguti o Elia ai huhubauku gea kohahauku de yatufuku ma huhuba gea mata-mata. Ho o hapi ma roehe abe yomahihuba, de o huhuba ma gota, de ma hakaru, de hiadono naga ma tonakoo abe naga o huhuba ma ngi ma timiuku, gea ena mata-mata ka ma moi youkuoka ka hiadono duru itinoka. De Ma Jou ai uku ma dokara yoguti o akere ma baituku hiadono yodudungoka.

2 Kokoano 1:10

De o Elia wipaluhu wato, “Ngona nagoungu abe ngohi naa Ma Jou ai uru ma dodofanga. De mangale ma titi naga ahi kuaha Unangoka ho naa togahoko la naga o uku ma dokara yoguti daku ma dihangoka de auku nginiuku de inihibinaaha ngona de ani tentara mata-mataika!” De ka de wotemo ipaha de o uku ma dokara yoguti onanguku de yokokihonengoka.

2 Kokoano 1:12

De o Elia ai bobaluhu enangoo imaketero abe hoka ihira-hira abe una wato, “Ngona nagoungu abe ngohi naa Ma Jou ai uru ma dodofanga. De mangale ma titi naga ahi kuaha Unangoka ho naa togahoko la naga o uku ma dokara yoguti daku ma dihangoka de auku nginiuku de inihibinaaha ngona de ani tentara mata-mataika!” De ka de wotemo ipaha de o uku ma dokara ma moioli yoguti onanguku de hiadono yokokihonengoka.

Huhupu 24:1

De Ma Jou o Yawe wihuloko o Musaika wato, “Musa, ngona naa kiani nodoa ahi lokuino naa de kiani o Harunu unangoo niao de to una ai ngofa-ngofaka o Nadaba de o Abihu nao. De o Isiraele ma nyawa manga hihira yamoritumidi onangoo kiani nakokiao. Masara ngini nidoaiye ko ikurutiyeuahi de genangoka kiani nimahubakahi.

Gogao 16:1

Gea o Harunu ai ngofaka yahinooto yohonengoka ma titi yodiai ihowono ma oraha yomahuba de o uku abe ena gea ko iwidingakinoua Ma Jou o Yaweika. Abe manga uku ma ngaboho yale o uku ma homoaino ho ko ma debi-debinua ma uku ho ma oraha yomahitigi Unangika de wahohonenge.

Gegetongo 16:35

Masara ona yaratuhu hinooto de yamoritoa gea abe iwinii-niiki o Kora ko yoarua yomahikabarihi ho ona nagahi manga dingiioka de itodokanino nagali o uku Ma Jou o Yaweoka de aino! De o uku gea duru ka itodokanino itokara ma amokika de yakokiuku ka ma moi o nau-nauru yaratuhu hinooto de yamoritoa gea abe yomahihuba manga manyanyi, gea ona mata-mata Ma Jou wakokitufukoka.

Gegetongo 16:49

Masara manga ngoe abe yohonengoka gea yasana ngimoi de iata de yaratuhu tumidi angamoi o hone-honenge ma panyake ma hohowono yadaene onangika de ka itodokanino de yohonenge. De nagali ona abe kanugonika yohonengoka ka ma moi de o Kora.

Hidingoto 5:10

De ka itodokanino de munangoli ka mohidurubauku ho mohonengoka. De ma goo-goduuru yowohamino de imimake ami honenge daena ho imigoraka de imiao ma lungunu ma ngiika de imilungunu ami rokata ai honenge ai datekoka.

Hidingoto 5:5

Ka de o Ananiasa woihene ma demo gea de ka itodokanino de wohidurubauku ho wohonengoka. De ona abe yoihene ma titi gea idadioka unangika, ona mata-mata duru yokokihawanoka.

1 Korintusu 10:11

De gea mata-mata abe ma dodihiraka idadi nanga totoforaika, gea idadi to ngone nanga dodotoko, de gea Ma Jou wohitulihuku la idadi o hitiari moi ngoneino abe howango ma oraha naa abe o dunia ma bobaha hatoli itigioka. Abe to ngone nanga totoforaino manga oraha ikokibootoka, masara ngone ka howango-wangohi ma oraha naa hamakeoka hoka nanga oara eko nanga hitiari onangoka de aino, abe ngone naa ka idadi homadotoko to ona manga ade-adeino. Angamoi ma dihira gea onangoo Ma Jou ai nyawa abe duru wahiowaka, masara ka yorubahi hiadono kiani Ma Jou wahohowono.

1 Samuele 6:19

Masara ma oraha gea naga o Isiraele ma nyawa abe duru yahowono genangoka. Abe naga o Bete-Semese ma nau-nauru yamoritumidi ona gea duru yoigo yolega-lega Ma Jou ai Peti ma goronauku. Ho ona yamoritumidi gea Ma Jou ai Behehongo ma Peti ma dadamunu yafelenga de yolega ma goronauku. Ka de hokogea yodiai de Ma Jou o Yawe wahohonenge o nau-nauru yamoritumidino ka ma moiuku angamoi manga howono Unangika. De o Bete-Semese ma nyawa duru yoari-ari de manga hininga ma huha mangale Ma Jou o Yawe wahohowono yamoritumidi gea hiadono yokokihonengoka.