Gogao 1:8 - Ma Jou ai Demo-demo o Totobelohoka

⁸ Gea de ahao o Harunu ai ngofa-ngofaka abe onangoo nia hidemo naga manga hiaturu la yakelenga itiai o huhuba ma uku ma lokuoka ma hapi ma badanga ma dobi-dobiki ka ma moi de ma pea de ma haki.

Gogao 1:8 ပူးပေါင်းရင်းမြစ်များ

1 Kokoano 18:23

Ho naa ngini nialeino o hapi ma nauru hinooto, moi to ona de moi idadi to ngohi. De ahao ona niahigunoa ona abe yotobahuba-huba o Baalika gea la yairiki moi ma hapino gea la ena yomahihuba o huhuba iharo-harongo o Baalika. Kiani yairikino ma hapi gea de ahao yatoma de yatetoro de yateruiye manga huhuba ma ngi ma lokuoka abe daku o hidaulu ma gota ma lokuoka. Masara, gea ufa hiadono ona gea yatufuku. De ngohi tohidiai o huhuba ma hapi moioli de gea enangoo duru imaketero abe hoka to onangoli manga huhuba. De abeika ngohioo ahao o huhuba ma ngi ma lokuiye o hapi abe tatetoroka ngohi tateruiye abe daku o gota ma lokuoka de ngohioo ma, ko ngohiua abe tatufuku.

1 Kokoano 18:33

Ho o huhuba ma ngi de ma baiti abe ihigilolitino gea wodiai ibooto de ahao o Elia o huhuba ma gota wafafoino o huhuba ma ngi ma lokuoka. O gota wafafo ibooto de ahao o hapi abe watetoroka de watobi-tobikuku ena mata-mata wateruiye daku o gota ma lokuoka. De naga o boto ma gahumu iata gea ena watumutu de wahuloko o nyawaika wato, “Abeika o boto ma gahumu iata gea, o boto gea kiani mata-mata niakokiomanga de o akere de ahao niogopoa o huhubauku de ma gotauku nenanga.” Hokogea o Elia wahuloko yodiai.

Gogao 1:12

De ma huhuba ma dutu ai huhuba ma aewani wotobi-tobikuku, de ahao o hidemo abe wileleani, una wagoraka o huhuba ma dobi-dobiki gea, de ma pea, de ma haki. De ahao una watatorika wakelenga mata-mata o hidaulu ma gota ma lokuoka de angamoi imulaengoka yohora ho itokaroka ma uku o huhuba ma ngi ma lokuoka.

Gogao 3:3

De kiani nia hidemo womatengo Ma Jouika wagoraka ma dobiki o gogao ma huhubaino abe ena gea wohihuba Ngohi Ma Jou o Yaweino de o uku, de abe wale gea ma haki abe naga o huhuba ma aewani ma pokoro ma goronaka abe ma horoomu ma haki.

Gogao 3:4

De una kiani wale o aewani gea to ena ma dogohi hinooto ka ma moi de to ena ma haki abe ataulika ma dogohika de enangoo abe atau-taulika ma roehikaoo daku ma porete ma kobongo ma jajaataiye. De to ena ma gate abe ipelaka hinooto ahao ma hononga ieteteke watobiki de wohitoomuino de ma dogohi hinooto de ma horoomu gea.