Gogao 1:15 - Ma Jou ai Demo-demo o Totobelohoka

¹⁵ De ko una ma dutua abe watoma ma totaleo masara kiani manga hidemo wodafongino de ahao una o totaleo ma tomara wafuludi hiadono watoakoka de ahao ma pea wakelenga o huhuba ma ngi ma lokuoka la youku hiadono itinoka. Masara ma badanga yakelenga dau itimi-timi duru o uku ma dokaroka. Masara ko wakelengauahi ma ukuku de kiani ma totaleo ma badanga wagulupoauku la to ena ma awunu iuihi o huhuba ma ngi ma datekuku.

Gogao 1:15 ပူးပေါင်းရင်းမြစ်များ

Higiriiri 22:1

Ahi Jou, ahi Jou, adodoa ho nohinoaika ngohi? Ngohi ahi gururihi ma goronaka de o duduhunu tomagahoko Ngonaino, Adodoa ho ahi gogahoko hokogea de o duduhunu ko tamakeua? Adodoa ho Ngona ko nohigihenua, hoka nomatingaka ma gurutika?

Higiriiri 22:21

Nohihihupu o singa ma uruino abe hokogea manga hafini ma dorou, Nohiguti o fuhuku ma hapi ma tatadukoka! Abe hokogea manga hininga, La ato ihitaduku de ka hiadono ngohi tohonenge, Hokogea manga hininga ma dumutu abe ihimusu ngohino naa.

Yesaya 53:10

Masara ai kangela mata-mata gea Ma Jou o Yawe ai mau imakiniiki. Gea Ma Jou o Yawe abe wihidatapaluika de o huha de o kangela duru kohaodiri gea. De hokogea una womahidoaka la wodadi o huhuba abe aofi o nyawa manga howono mata-mataika. De angamoi wahihohe manga howonino hiadono o nyawa manga ngoe yomahinganono unangika ho genangino ona yahiromanga to una ai ngofa-ngofaka de ai dano-danonguku. De ngaro una ko iwiperekiuahi de ai wowango atoakoka de o hone-honenge, masara ai hingounino Ma Jou ai mauika hiadono una wamake ai wowango duru ma dekana. Abe gea una wohidagi Ma Jou o Yawe ai hidee o nyawaika la wahihohe manga howo-howonino.

1 Yohanese 2:27

Masara nako ngini, ngaro ufa dika de ona yotobabudi gea inidotoko nginika masara koaho nitotoihene ka Ma Jou o Womaha ai demoino dika. Angamoi ngini niwimakeoka Ma Jou o Womaha nia hininga homoi-homoioka abe ma dihiraino o Kristusu wihidoaka Una nginika. De mangale Ma Jou o Womaha naga nginioka ho ngaro ufa dika o nyawa utuoli gea inidotoko masara koaho ka Una dika winidotoko nginika. De Una gea ka idadi winidotoko ma titi mata-mataika abe ngini niperelu nia ngongaku ma wowangoka, de gea ai dodotokino moioo de ko iwa o ngeluku. Ho ngini kiani nimanoa to Una dika ai dodotokoka la gea o Kristusokaoo ngini ka ihikaika nimanoa.

Hihira 6:38

De o ngorumino womomiki de duru idadioka imaketero abe wogahokoka. De wogoraka o domba ma kai gea de wateo hiadono o bokolo moi aomanga de o gagini ma akere gea.