Gegetongo 6:20 - Ma Jou ai Demo-demo o Totobelohoka

²⁰ De una o hidemo unangoo wasoino ma roti de ma roehe imakadaene hoka onangoli. De ahao ena gea wohikokidoakiye ai giama de wohipari-parihi ma huhuba la wohitunguu ma inomo gea iwihidoakokahi Ma Jou o Yaweiye. De ma inomo mata-mata gea idadioka o hohidemo to ona manga inomo de to onangoo manga inomo o domba gea ma alu de ma uguru abe enangoo ihidoakiyeoka Ma Jou o Yaweiye. Mata-mata gea yodiai ibooto de ahao o Nasiri ma nyawa ka idadioli yokere o angguru ma teongo.’ Hokogea Musa ngona kiani nahingahu o Isiraele ma nyawa mata-mataika ma hiaturu ma ngekomo abe kiani ona yaniiki abe yomatingakoka Ngohino abe yapake de o Nasiri ma nyawa manga behehongo.”

Gegetongo 6:20 ပူးပေါင်းရင်းမြစ်များ

Yesaya 25:6

De dokengika abe ma oraha adonoka de o Siono ma lokuoka naa de Ma Jou o Yawe Wokokurutiye ahao wahidiai o ngolo-ngolomo ma amoko duru ma rorahai. Abe ai ngolo-ngolomoka gea de wahiolomo o dunia ma nyawa mata-mataika de ma roehe de ma hakioka de ma ngokere gea o angguru ma gohaka ma teongo duru ma rahai. Ho ma inomo de ma ngokere gea ngaro mata-mataika masara duru ka enangohi ma jame de ma rorahai.

Gogao 23:11

Ho nia hidemo una wodamaa o Hiaini ma wange ibooto de ahao ma dawangeino nia gandumu ma domoro ma pakiti gea waleino de ko watufukua masara wodiai o dodunguu. De nia hidemo gea wohitunguu de ma pakiti moi gea wohidoakiye naga ai giamoka de wohipari-parihi nia huhuba Ngohiye. Hokogenangohi ihira nidiai la Ngohi todafongo nia huhuba nia gandumu ma hofoko ma riakino abe Ngohi tohiromanga ma domoro.

Gegetongo 6:21

“Abe hokogea o Nasiri ma nyawa manga behehongo ma hiaturu abe kiani yaniiki itiai abe ihibehehongoka Ngohi Ma Jou o Yaweino. De nako naga manga hidoaka utuoli abe ma dihiraino yomaputuhoka yato ihihidoaka Ngohino enangoo kiani yabootohi duru imaketero hoka ma dihira ihihibehehongoka Ngohino. Hokogea manga behehongo ma hiaturu de manga tagongo abe yapake o Nasiri ma behehongo la yomatingaka Ngohino.” Hokogea Ma Jou wihingahu o Musaika ma hitararono abe ma titi o Nasiri ma nyawa manga huhuba.

Matiusu 26:29

De naa tagou-goungu tinihingahu, naa ma batingi abe o angguru gea ko tokerokauahi. Masara ahao abe ma oraha ahi Baba Ma Jou wahikoano o nyawa, gea de ahao o angguru ma hungioli tokere.”

Maruku 14:25

Naa tagou-goungu tinihingahu, naa ma batingi abe o angguru ma gohaka ma teongo gea ko tokerokauahi. Masara ahao abe ma oraha Ma Jou wahikoano o nyawa, gea de ahao ma hungioli tokere.”

Yohanese 19:30

De o Yesusu ka de wafifihi o angguru ma suka-suka gea de wotemo wato, “Naa ibootokau!” De womaponuku de ai ngomaha itoakoka.