Gegetongo 35:34 - Ma Jou ai Demo-demo o Totobelohoka

³⁴ De gea Ngohi tato ufa niahipeseke nia tonaka gea angamoi Ngohioo tomanoa nia tonakoka gea. Abe Ngohi naa Ma Jou o Yawe de Ngohi tomanoa ti ngini o Isiraele ma nyawa nia hidogoronaka.” Hokogea to Una ai hiaturu ma demo o Musaika abe o Musa kiani wadofanga o Isiraele ma nyawa mata-mataika.

Gegetongo 35:34 ပူးပေါင်းရင်းမြစ်များ

Huhupu 25:8

“De ma kiahonanga mata-mata gea abe ahao ngini niapake nihidiai ahi Tau o Ngoerino. Abe ma tau gea ngini nihidingakoka Ngohino la ka idadi ma tau ma goronaka gea Ngohi tomahimatoko abe ka ihikaika Ngohi naga genangoka nia hidogoronaka.

Yesaya 57:15

Abeika nitotoihene Unangika abe duru Wokokurutiye, abe Una wohikoano ka hiado-adonika de ai romanga duru ma debi-debini. Abe hokonaa to Una ai demo, wato, “Ngohi naa ahi gogere o ngioka abe duru ikokurutiye de duru itebi-tebini, masara Ngohi togogeroo o nyawa manga hidogoronaka abe manga hininga duru ihuha de abe yomahitipokouku. De gea togogere onangoka la tahiwangoro ona manga hininga ma dodipokouku, la tahigaro ona manga hininga ihu-huha hiadono manga domoroini ka ilioli.

Yesaya 8:12

Abe nako hoka noihene o abari abe ato naga o nyawa manga hidee ma dorou, de gea ufa niangaku dika manga demoika. De nako o nyawa duru yamodongo moiika, gea ngaro ufa de ngona naniiki dika manga hawana ma hininga.

Gegetongo 16:3

Ho o Kora, de o Datana, de o Abirama, de o Ono, de o Isiraeloka manga hihira yaratuhu hinooto de yamoritoa, gea ona mata-mata yokokiloiki yatutumu o Musa de o Harunika. De yahingahu onangika ato, “Ngini ma dihiraino nimihipareta masara naa ti ngini nia pareta ma kuaha ma hiaturu duru niatilakuroka! Abeika Ma Jou o Yawe wonairiki ngone o Isiraele ma nyawa mata-mataika la wonahidadi to Una ai nyawa abe duru womadingakoka Unangino. Ho Una naga to ngone nanga hidogoronaka de ko moiua ngoneoka abe ko womadingakua. Ho done sarakia de ngini ka inihinooto dika de niato ka ti nginiohi nia gogere ikurutiye Ma Jou o Yawe ai himangoka?” Hokogea manga ngamo ma demo o Musa de o Harunika.

Himatoko 21:27

De gea ko yahigunoaua ma dorou o kia dika la iwohama ma kota ma goronaika. De ngaro hoka naga womatengoani abe ai wowangoka ma datoro itorou eko abe yotobaeluku, ma unangoo ko iwihigunoaua la o kota ma goronaika wowohama. Masara ona abe manga roma-romanga naga ihitulihukuoka abe o Domba ma Ngofaka ai Wowango ma Buku ma dolauku, ona gea dika abe ka idadi yowohama ma kota ma goronaika.

Himatoko 21:3

De ahao ngohi toihene o ilingi moi ma amokiye itemo ai kadera ma hohailoaka de aino ato, “Abeika! Naa Ma Jou ai ngi abe Una womatobanoa ai nyawa manga hidogoronaka. Abe Una womanoa onangoka la ka ihikaika Una naga de de ona. Angamoi ona yodadioka to Una ma hirete ai nyawa, de Una wodadi to ona manga Jou.