Gegetongo 35:15 - Ma Jou ai Demo-demo o Totobelohoka

¹⁵ De manga dadatoko ma kapongo butaanga gea, onagona dika ka idadi yoara genangika, abe ngaro o Isiraele ma nyawa de ngaro o homoa ma nyawa de ngaro o nyawa abe yomadioniki dika o Isiraele manga hidogoronaka masara ona mata-mata ka idadi yomadatoko ma kapo-kapongo gea ma goronaka. Abe iti yatoma / yahohonenge o nyawa masara gea ko manga hiningaua la idadi de ona gea ka idadi yoara genangika.”

Gegetongo 35:15 ပူးပေါင်းရင်းမြစ်များ

Huhupu 12:49

Ho ma pareta naa o nauru mata-mataika adaene abe yogogere nginioka ngaro ona o homoa ma nyawa eko o Isiraele ma nyawa idodutu ma kiani yomahuna nako o Totilakuru ma rame-rame yaniiki.” Hokogea Ma Jou o Yawe ai hiaturu ma hitararono onangika.

Gogao 4:2

“Musa, kiani nahingahu o Isiraele ma nyawaika ahi hiaturu ma ngekomo abe o nyawa yaniiki ma oraha naga manga howono Ngohino. Abe mata-mata Ngohi Ma Jou o Yawe tinihidoakoka ahi paretaka abe tinihingahuoka ko idadiua yodiai angamoi ko itiaiua. Masara nako ona ahi pareta yatilakuroka ngaro manga hiningaino de yodiai eko ngaro ko manga hiningainoua ipuda, manga howono gea kiani enangoo ihitamunu de o howono ma huhuba.”

Gegetongo 35:11

de kiani yairiki ma kapo-kapongo la gea ahao idadi manga dadatoko ma kapongo. Abe nako hiadono idadi nginioka naga onagona dika yahohonenge manga gianongoru masara gea ko manga hiningaua la yohonenge, gea ahao ka idadi yoara o dadatoko ma kapongo moiika.

Roma 3:29

Ho sarakia, marai o Yahudi ma nyawa ka idadi yomagorakiye de yotemo ato Ma Jou Una gea ka o Yahudi ma nyawa dika manga Jou de Una wahidoaka ma ngekomo ka onangika dika la wahitotiai genangino? Duru ko idadiua yomagorakiye hokogea! Angamoi nako Ma Jou, Una gea o nyawa mata-mataika manga Jou ho ngaro o Yahudi ma nyawa eko abe ko o Yahudi ma nyawaua masara to ngone mata-mata nanga Jou. Ho mangale ma titi igoungu nanga Jou Una ka womatengo dika, ho nagaoo ma ngekomo moi dika abe Una wonahitotiai ngone o nyawa to Una ai himangoka. Ho ngaro ngone o Yahudi ma nyawa eko ko o Yahudi ma nyawaua, masara ngone mata-mata kiani naga de nanga ngongakuoka Unangika. Abe nanga ngongakuino dika ma ngekomo hiadono Una wonahitotiai.

Galatia 3:28

Ho mangale ma titi nanga rimoi o Yesusu Kristusoka, ho hiadono naa duru ko iwaka ma hikohowono nanga hidogoronaka. De gea ngaro ngone utu o Yahudi ma nyawa de utu ko o Yahudi ma nyawaua, ma ngone naa ko homakohowonua. Eko ngaro ngone utu o nyawa manga huhuloko de utu ko o nyawa manga huhulokua, ma gea ngone hoimoi dika. Eko ngaro ngone utu o nauru de utu o ngofeka, masara gea Ma Jou wonalega wato ko iwaka ma hikohowono ngoneoka angamoi ngone mata-mataika ka hoimoi dika o Yesusu Kristusoka.