Gegetongo 32:27 - Ma Jou ai Demo-demo o Totobelohoka

²⁷ Masara ngomi o nau-nauru ahao mimahihora doka ma honongaika, de gea ngomi homoi-homoi mimahidiaioka abe mimagao mia parangi ma dae la mianiiki nanga Jou o Yawe ai huhuloko de miatobalawana nanga musuika, la duru imakiniiki de to ngona ani demo kangano.” Hokogea to ona manga behehongo ma demo.

Gegetongo 32:27 ပူးပေါင်းရင်းမြစ်များ

Gegetongo 11:28

De o Yosua, abe o Nuunu ai ngofaka, gea una abe ka o gooinohi wodadi o Musa ai duduhunu, de unangoo woihene womatengo ai hingahu ma titi o Elada de o Medada. Ho gea woihenino de o Yosua wofikiri ko itiaiua hokogea yodiai ho wotemo o Musaika wato, “Ahi baluhu, kiani nahuloko ona yahinootoika gea la yomatogumu.”

Gegetongo 12:11

De una wogahoko ai dodoto o Musaika, wato, “Ahi baluhu, ngomi naa igoungu duru mibodo hiadono duru miahowono! Masara irahai ufa hiadono mia howono ngonaika gea natumungika.

Gegetongo 32:17

Masara ngomi o nau-nauru ka idadi ka ihikaika mimahidiai de mia parangi ma dae, de hongoli ka idadi ngomi miahihira-hira mia gogianongoru o Isiraele ma nyawa ma oraha hotagi-tagi haparangi nanga musuika. De ka ihikaika ngomi miaduhunu hokogea ka hiadono onangoo yamake manga oara ma tonaka de yoborigogere manga tonakoka gea. De abe ma oraha ngomi de nanga gogianongoru ka halawanohi nanga musu, to ngomi mia feka-fekata de mia ngofa-ngofaka ka idadi yomanoa yososanangi dika nenangoka, abe ma titi mia kota-kota ahao naga de ma dadaduhoka la o homoa ma nyawa ma tonakoka naa ko idadiua yangohama onangika.

Gegetongo 32:28

Ho o Musa wahidoaka ai huhuloko ma demo ma titi ona gea o Isiraele ma nyawa manga hihiraika. Abe ma demo gea wahuloko manga hidemo ma nyawa o Eleasarika de ai hehebangika o Yosua de o Isiraele ma nyawa manga dutu homoi-homoiika.

Gegetongo 36:2

Ho ona yomarihimanga de yotemo o Musa de ai dodiawoika ato, “Mia baluhu, ngomi naa mihioriki abe ma dihiraino de Ma Jou o Yawe winihuloko la nimaketebobataru ho genangino de Ma Jou wohiaturu la ma tonaka ma hidoku homoi-homoi imakataana de o Isiraele ma nyawa nanga dutu. De mihiorikoo abe nanga Jou winihuloko la nanga dutu o Selafehada ai oara ma tonaka niahidoaka to una ngoi ora-oraika.