Gegetongo 27:17 - Ma Jou ai Demo-demo o Totobelohoka

¹⁷ Ona yoperelu manga hihira hoka o domba ma gogoana abe wakunu wahihira la ngaro o kiaika dika yoiki ma ka idadi wahigilioli manga ngiino. De una wahimagaweoo onangika ma oraha nenangoka yosobo la wao wahingohama ani behehongo ma tonakika gea. Ufa hiadono to Ngona Ma Jou o Yawe ani nyawa yaika yaino hoka o domba ma duduono abe ko iwa ma gogoana.” Hokogea o Musa ai dora itagi ai nyawaika.

Gegetongo 27:17 ပူးပေါင်းရင်းမြစ်များ

2 Samuele 5:2

De ngomi mihioriki abe ma dihiraino ma oraha mimahikoanohi o Saulika de ngona naa to ngone o Isiraele nanga tentara ma hidimono ma gou-goungu. De gea Ma Jou o Yawe wonihingahu ngonaika wato ngona ahao nomihipareta. Abe wato ngona ahao nodadi nomaketero hoka to ngomi o Isiraele ma nyawa mata-mata mia gogoana de ngomioli hoka to ngona ani domba.”

1 Kokoano 22:17

De gea o Mika waniiki ma koano ai huhuloko ma demo, ho ipaha de wihingahu ma gou-goungu ma koanoika. Abe una wato, “Hokonaa abe Ma Jou wohihimatoko ngohino. Ngohi tamake o Isiraele ma nyawa mata-mata yomahikabarihoka o loku-lokuoka abe hoka o domba ma ngoe de ko iwa ma gogoana. De ahao Ma Jou o Yawe wotemo wato, ‘To ena ma baluhu ko iwiwa, ho koaho ikokilio dika la ko kia-kiaua idadi enangika.’”

2 Tawari 1:10

Ho ngohi naa duru tomagahoko o sosawaro de o tobahioriki la ka idadi ona tahipareta itiai. De hokogea tomagahoko angamoi to Ngona ani nyawa yodadioka o doomu moi abe duru de manga buturungoka ho hiadono done onagona yakunu yahipareta?” Hokogea o Saloomo ai gogahoko ma demo Ma Jouika.

Matiusu 10:6

Masara ngini kiani niloiki abe o Isiraele ma nyawaika dika. Abe o Isiraele ma nyawa gea Ngohi tahiromanga onangika tato ona hoka o domba abe imakitingakoka ma dutuoka de aino ho ihihangoka, angamoi onangoo yomakitingakoka de Ma Jou.

Matiusu 15:24

De ona yotemo ibooto de ahao o Yesusu womitemo munangika wato, “Tomahilooa, ma Ngohi naa ihihidingotino la taduhunu o Isiraele ma nyawaika dika, abe ona hoka o domba o duduono moi abe ko iwa manga gogoana. Ho tanu ko idadiua tiniduhunu ngini abe ko o Yahudi ma nyawaua.”

Matiusu 9:36

De gea to Una ai hininga ma dora duru itagi o nyawa mata-mataika abe yokokiboaino Unangino. Angamoi Una wahioriki to ona manga kangela duru ma dodubuho de ko moiua yaduhunu onangika. De Una wamao abe ona gea yomaketero hoka o domba ko iwa ma gogoana la yaduhunu de yapaliara enangika.

Maruku 6:34

De yomahiadonikaka de wofarene ma ngigoriye o Yesusu de manga ngoe-ngoe gea wamake. Wamake de duru wadora ona gea de wato, “Hiokoo. Abeika ona naa yomaketero hoka o domba abe ko iwa ma gogoana.” Hokogea ai hininga ho womulaenge wadotoko onangika abe ai dodotoko ma titi ma ngoeika.

Yohanese 10:9

Ngohi naa ma ngorana, ho onagona dika Ngohino yoboa la yowohamika, ona gea ko yoboditoua. De ka idadi yohupu yowohama de yomamake o inomo.

Higalioli 31:2

Abe una wotemo wato, “Ngohi naa ahi ngumuru adonoka ahi taongo o ratuhu moi de monaoko. Ho marai ko takunokaua tinihihira-hira ngini, de hongoli Ma Jou wohihingahuoka wato ngohi ko idadiua tomahihora doka o Yorodani ma akere ma honongaika.

1 Peturusu 2:25

Angamoi igoungu ngini ma dihiraino de nimakitingakoka Ma Jouoka de aino. De gea ka idadi tinihiketero hoka o domba o duduono moi abe nirehenoka nia dodagioka de aino. Masara naa inihiboakali ti ngini nia Gogoanika, abe o Kristusu Una gea winitobagoana de winitobapaliara ti ngini nia hininga homoi-homoiika. Ho irahai nako nginioo ma oraha inihikangela nginika de nimaaduru hoka o Kristusoli la ko iwa nia hibalaha ma dorou o nyawaika.

1 Samuele 18:13

Ho ma bahaika o Saulu womaputuhu abe ko idadiokaua una de o Dautu yomahingi moi ho o Dautu wihitagongo la waparangi manga musuika de wihidoaka ai tentara yasana moi abe o Dautu ka ihikaika wahihira-hira. De gea duru ai tagongo wao itiai abe ona ihigali-gali yoiki manga musu yaparangi.

1 Samuele 8:20

Abe nako ngone ma oraha naa hato adonoka ma oraha ngone o Isiraele ma nyawa hodadi hoka o nyawa utu abe yomahikoano manga koanoika. To ngone nanga koano dika ahao wonapareta de wonahihira-hira o parangioka.” Hokogea manga mau ihigalioli iwihingahu o Samuelika.