Gegetongo 25:1 - Ma Jou ai Demo-demo o Totobelohoka

¹ Abe ma oraha o Isiraele ma nyawa yomanoa o Sitimi ma dolaka, naga o Moaba ma nyawa abe yogogere ma tonakoka gea. De ipahaino de naga utu o Isiraele manga nau-nauru yomahipeseke de o Moaba ma ngo-ngofeka abe ma titi yomaidu de ona.

Gegetongo 25:1 ပူးပေါင်းရင်းမြစ်များ

2 Kokoano 23:7

De naga o nau-nauru Ma Jou o Yawe ai Tau ma goronaka abe manga badanga yomatobafuku-fukunu la ka idadi o nyawa yomakitigi de o nau-nauru gea la ato hokogea yomahuba o popangaoika. De to ona manga ngi-ngi enangoo o Yosia wohikokihibinaaha. De genangokaoo o ngo-ngofeka manga ngi abe yodumo la o ngoere yodiai abe o nyawa yapake ma oraha yomahuba o ngo Asitorete ma pangaoika. De ma ngo-ngofeka gea to onangoo manga ngi o koano wohibinaahaka.

Higiriiri 106:28

De ahao naga nanga totofora abe yomatobahuba-huba o pangao o Baalika, Yaniiki o Moaba ma nyawa ma oraha yomahuba o Baalika o Peoro ma lokuoka, De ngaro manga huhuba ma inomo abe yahihuba manga goma-gomangika, Ma Jou ai nyawa onangoo yaolomo manga huhuba ma inomo gea.

Huhupu 22:19

“Onagona dika yomakitigi de o aewani ngaro o nauru eko o ngofeka ma kiani ona gea niahohowono ka hiadono yohonenge.”

Huhupu 34:15

“Ho ngini kiani nimahidodiai la ufa nimaketedodiawo onangika hiadono nimahiketehibehehongo de onagona dika ma tonakoka gea. De gea ngaro o behehongo o kia dika ma rupa masara ko idadiua. Ona gea yomahijou ka manga popangaoika dika de done iniahoko hiadono onangikali nianiiki. Abe ka de ngini nianiiki manga rame-rame de niaolomo manga huhuba ma roehe de ahao gea ena inihirehene.

Gegetongo 25:17

“Ngini kiani niahikangela o Midiana ma nyawaika hiadono niahibinaaha onangika,

1 Korintusu 10:8

De ufa ngone nanga badanga homakitigi abe ko itiaiua hoka onangoli yodiai. Abe ma dihira ma oraha ona yodiai hokogea de naga yasana monaoko de hange ka ma wange gea dika de yokokihonengoka.

Higalioli 3:29

Ho ngone homanoa dika o tonaka ma dolaino abe imahitigino de o Bete-Peoro ma kapongo.”

Higalioli 32:38

De ngini niahihuba o aewani ma haki enangika gea, de nagali o angguru ma teongo ma gohaka niahihuba nia jouika gea la bari yokere. Ho irahai ena gea dika imasikaa de iniduhunu nginika, de abeika nitaili dika la nimahitatoko enangoka ma oraha o bodito inidaene!

Higalioli 4:3

Angamoi ngini ma hirete niamakeoka de nia lako nanga Jou ai datoro abe wodiaioka ti ngini nia hidogoronaka o Peoro ma lokuoka. Abe gea Una wahibinaaha ona mata-mata nginioka abe yomahuba-huba o Peoroka manga jou o Baalika.

Yosua 2:1

Ho naa o Isiraele ma nyawa ko yomahihorauahi o Yorodani ma akere ma honongaika ho ona nagahi o Sitimi ma dolakahi. De ahao yosobo de o Yosua wairiki o nauru yahinooto de wahidingoto o Kanani ma tonakika abe o Yorodani doka ma honongaika. De wahibehehongo onangika wato, “De naa ngone mata-mata ko hotobonguahi doka ma honongaika de ngini tinihidingoto la nihira niatailako ma nyawa abe gea doka ka hadugamika abe yogogere ma tonakoka gea. De utuohi kiani ona hahioriki abe to ona manga bobuturungu abe yogogere o Yeriko ma kotaka.” Ka de hokogea o Yosua wahuloko de ona yahinooto yosobo yatailako o Yeriko ma kotaika hiadono yomatohiki yowohama manga kota ma goronaika. De ona yowohama de ihiaka ato imidulu o ngofekaika abe muna ami biaha momafuku-fukunu ami badanga. Ho ona imimake momatengo ami romanga o ngo Rahaba de yomahidodogumu to muna ami tauoka.

Yosua 3:1

De duru o ngoru-ngorumino o Yosua de o Isiraele ma nyawa yokokimomiki de ona yosobo ho manga ngi o Sitimi yanoaka de yoiki manga dumutu o Yorodani ma akerika. Masara ko yogila-gilauahi yotobongo o akerika ho yomahitigika dika de genangoka manga tau ihigokokali.

Himatoko 2:14

De masara naga utu ahi dodaere ma titi nginika. De ngini ka niahigunoa o nyawa utu nia hidogoronaka abe ona yanii-niiki o Nikolausu ai rerehene ma dodotoko. De nako to ona manga dodotoko, tanu gea ngade-ngade imaketero hoka ma dodihiraka o Bileama ai rerehene, abe una gea ma dihiraino wahirehene o Isiraele ma nyawaika ma titi o Balakino. Abe ma oraha gea o Bileama widotoko o Balakika abe hokokia wodiai la o Isiraele ma nyawa yoruba de yahowono Ma Jouika. De gea o Bileama wahigaro la ona o pangaoika yaniiki abe yaolomo o inomo abe ihihubaka o pangaoika, de nagali abe wahigaro la o howono manga badangoka yodiai. De hokogea idadi o Isiraele ma nyawaka abe duru ma deka-dekanuku. De naa ngini nimaketero dika abe hoka ona o Isiraele ma nyawa ma oraha gea, angamoi nginioo niahigunoa o nyawa utu nginioka abe ona yanii-niiki o rerehene ma dodotoko, de ona gea inihigaro nginika la ato nginioo niruba de niahowono Ma Jouika.