Gegetongo 24:4 - Ma Jou ai Demo-demo o Totobelohoka

⁴ Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.”

Gegetongo 24:4 ပူးပေါင်းရင်းမြစ်များ

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

Dodadi 15:12

De adonoka o wange ngade-ngade itumunu de o Abaraama duru iwikiookoka de ka itodokanino wamao hoka iwihidutufutukuholi. De gea wamao ma fufutu o fara moi hiadono ai hawana iboa abe duru ko wapoaua.

1 Kokoano 22:17

De gea o Mika waniiki ma koano ai huhuloko ma demo, ho ipaha de wihingahu ma gou-goungu ma koanoika. Abe una wato, “Hokonaa abe Ma Jou wohihimatoko ngohino. Ngohi tamake o Isiraele ma nyawa mata-mata yomahikabarihoka o loku-lokuoka abe hoka o domba ma ngoe de ko iwa ma gogoana. De ahao Ma Jou o Yawe wotemo wato, ‘To ena ma baluhu ko iwiwa, ho koaho ikokilio dika la ko kia-kiaua idadi enangika.’”

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Gegetongo 22:20

De o futu gea idadi hoka o Bileama wonganono abe Ma Jou woboali unangino de wihingahu wato, “Bileama, abe ona naa yoboaino ka idadi naniiki angamoi manga koano wonibehehongo. Ho ngona noiki naniiki masara abe ahao nodiai gea ena dika abe Ngohi tonihingahu ngonaika la ka idadi nodiai. De ufa naniiki to ona manga huhuloko ngonaika.” Hokogea Ma Jou wihingahu o Bileamika.

Gegetongo 22:31

De ka de wotemo hokogea de Ma Jou o Yawe wohiakunu o Bileama ai lakoika la hiadono ka idadi unangoo wimake Ma Jou o Yawe ai malaekata ai himangoka. De o malaekata una duru o ngekomo ma goronaka de womahingairoko de ai dia abe ma doto arihononga! Ho ka de o Bileama wimake de duru watilabukuku o ngekomoka de womaponuku ka hiadono ai pea itiki ma tonakuku.

Gegetongo 24:15

Hokogea o Bileama wihingahu o Balakika de ahao womulaenge de ai demo ma betongo o dakoro moioli abe Ma Jouoka de aino, wato, “Ngohi o Bileama, o Beoro ai ngofaka, De ahi hingahu ma demo naa abe Ma Jouoka de aino, Ngohi o nauru abe Ma Jou ai mau tamake la ahi hiningaka itararono,

Gegetongo 24:5

“De abeika o Yakubu ai totoforauku manga tau o ngoerino! Ma rorahai gea to ona manga tau ma doomu o ngoerino, Duru ma hohailoa ti ngini nia gogere ma ngi-ngi gea, Ngini o Isiraele ma nyawa abe inihiowa nia gogere ma ngioka.”

Hidingoto 10:10

masara ma inomo ka yahidiaiohi ho una iwihafinoka. De womaniata ai gogiriaka de una ngade-ngade hoka iwikiooko masara gea ko iwikiookua ho ai hiningaka wamake o himatoko moi Ma Jouoka de aino.

Hidingoto 10:19

Ho o Peturusu ka womalingi-lingirohi ma himatoko ma titi, de ahao Ma Jou o Womaha witemo unangika wato, “Naga o nauru yaruange yoboaka inilingiri ngona.

Hidingoto 22:17

“De ipahaino de tolioino o Damasiki ma kotaka de taino naa o Yerusaleemino. De ahao o wange moiuku de ngohi naga Ma Jou ai Tauoka tomaniata, abe gea idadi o taongo muruono ipopahaika. De tomaniata ahi gogiriaka de ngade-ngade hoka ihikiooko abe gea ko ihikiookua masara ahi hiningaka de tamake o himatoko moi Ma Jouoka de aino.

Himatoko 1:10

Ho naa o Patomos ma nuuhoka de o wange moiuku ihilufungu de Ma Jou o Womaha ai kuaha. De gea ihilufungu ma wangeoka abe ngone Ma Jou ai nyawa nanga biaha homatoomuino de hihigiriiri nanga Baluhu idodutuika. De ka itodokanino de ngohi toihene ahi poretoka o ilingi moi duru ilamokiye, de gea ma ilingi ngade-ngade hoka o guguli yawuwu.

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.

1 Samuele 19:24

De genangoka o Saulu womahuputu ai baju mata-mata de wogila-gilahi wohidemo Ma Jou ai Demo-demo ma hitararono o Samuele ai himangoka ka hiadono iwihidufutuoka. De o Saulu womaiduiha o tonakoka de ko womatogu-togumua wohidemo Ma Jou ai Demo-demo ka hiadono iwihidetebiniye. De ahao mangale ma titi o Saulu ai datoro gea hiadono o demo ma dulu moioli o nyawa yodiai abe yomakokeleha ato, “Done o Saulu unangoo wodadioka Ma Jou ai uru ma dodofanga womatengo?”