Gegetongo 24:24 - Ma Jou ai Demo-demo o Totobelohoka

²⁴ De abeika ngaro o Asuru ma nyawa abe duru de manga buturungoka, Masara ko ihikaikaua itagi angamoi onangikali ahao o kangela iboa. Abe naga o kapa ma ngoe o Sipurusu ma nuuhoka de aino yahitipokouku, Ona yaparangi o Asuru ma nyawaika de manga buturungu yawedere, De hokogenangoli ona o Sipurusoka yahiwedere o Hebere ma nyawaika, Masara ika-ika de o hibinaaha yadaene onangikaoo abe o Sipurusino yoboa, Manga kapa ma doomu ma amoko masara ahao iwedere to onangoo manga kuaha.”

Gegetongo 24:24 ပူးပေါင်းရင်းမြစ်များ

Dodadi 10:4

De hokogenangoo de o Yafete ai ngofaka o Yawana abe to unangoo ai totoforauku. Ona yomahitoomu o Yawana ai ngofa-ngofakuku manga roma-romangika hokonaa: naga yomahiromanga o Elisa ma nyawa, de utu o Tarasiisi ma nyawa, de o Kitimi ma nyawa, de utuoli o Dodanimi ma nyawa.

Dodadi 14:13

De ahao naga womatengo onangino abe woara o loku-lokuiye, de una wato woiki wihingahu o Abaraamika ma titi hokokia manga musu yoboa de yahikangela. O Abaraama una abe ahao iwihiromangoli o Ibarani ma nyawa, de naa una abe woa-oara gea woboa o Abaraamino. De ma titi o parangi gea wiade-ade o Abaraamika de wato, “De ani ngofaka o Loti unangoo iwiaoka!” De naa o Abaraama wogogerohi to Mamere ai gota ma ago-agomo ma datekoka. O Mamere una o Amori ma nyawa de ai ria-dodoto o Esekolo de o Anere. De o ria-dodoto yahange gea duru yomaketedodiawo de o Abaraama hiadono ona iwihingahu ato, “Ani dodiawo naa imihange misanangi miniduhunu nako naga ani musu hokogea inihikangela.” Ka de o Abaraama woihene o Loti iwitaokoka de wihuloko ai duduhunika wato, “O nau-nauru abe yomakokiboa to ngohi ahi tau ma doomuoka de ona gea abe hadotokokau la yososawaro yoparangi kiani nakokiahokino mata-mata. Ona yaratuhu hange de yangimoi de yatufange ho ona mata-mata gea nakokitoomuino. Naa ngone hoiki la ahi ngofaka o Loti hihihupu nanga musu manga giamino.” Ka de hokogea wotemo de ai duduhunu woikoka de manga dodiawo gea wakokitoomu. De ipaha ona mata-mata yomahidiai ibooto de ahao yosobo ato o Kedoro-Lomere de ai dodiawo yahiduru ka hiadono yadaene. Ho yoiki yahiduru hiadono o Daana ma tonakika.

Yesaya 10:5

Ngohi, Ma Jou o Yawe tamake ahi nyawa o Isiraele ma nyawa duru ko yomahijouokaua Ngohino ho to Ngohi ahi ngamo itagi manga dorouika hiadono ona tahidoaka o Asuru ma nyawaika la yahidadi to ona manga huhuloko. Ho ahao o Asuru ma nyawa gea tahidingoto o Isiraele ma tonakika la ahi nyawaika yahohowono ka hiadono manga kiahonanga yaora de yomahitoona o Isiraele ma nyawa manga kaya. De ahi nyawa gea duru o Asuru ma nyawa ahao yahitipokouku ka hiadono imaketero de ona yadoko-doko hoka ona yodadioka o tapaka ma pese-peseke dika. Hokogea o Asuru ma nyawa ahao tahidadi to ngohi ahi boboha ahi nyawaika ngaro o Asuru manga koano una ko wohihiorikua gea Ngohi abe tihidingoto la una de ai tentara tapake. Abe o Asuru manga koano gea ai hidee ko o Isiraelikaua dika masara una wato de ai tentara waparangi o tonaka ma ngoeika de wahikala ka hiadono o tonaka ma ngoeika gea wahipareta. Masara ahao o Asuru ma nyawaikaoo o kokangela yadaene! Abe ngaro ona tahidadi ahi boboha la o Isiraele ma nyawa tahohowono masara, ahao manga sade ifoloiholi hiadono onangoo tahibinaaha.

Gegetongo 24:20

De ahao o Bileama womalegaoo o Amaleke ma nyawa manga tonakikali de naga ai demo ma betongo o dakoro moioli abe ma dumutu onangika, wato, “Ona ma dihira abe yomahidutu o Amalekika, Ka onangohi o nyawa yagorakiye, Ngaro o nyawa mata-mataika ma ka onangohi manga kuaha ilamoko. Masara o Amaleke ai totoforauku ahao o bobinaaha ahao yadaene onangikaoo.”

Gegetongo 24:23

Gea wotemoka de ahao naga o Bileama ai hingahu ma baha de o demo ma betongo o dakoro, wato, “Abeika, ka de Ma Jou womaputuhu wohiwedere o nyawa manga kuaha, De ngaro ona gea duru ko manga ngoe de manga buturungoka, Masara ona gea ahao ko idadiokaua yofaa-faatuku, Angamoi duru Ma Jou ai hidee onangika gea ahao idadi.

Matiusu 24:15

De o Yesusu wahitararonoli onangika ma titi ma dodunguu abe ahao idadi nako ma oraha itigioka o dunia ma bobaha. De Una wato, “Ngini marai ka niohiningahi nanga tofora o Danyele ai demo abe ma dodihiraino de wohitulihukuoka Ma Jou ai hingahu ma demo. Abe una gea to Ma Jou ai uru ma dodofanga, de una ma deka-dekanuku de wonahingahuokau abe ma titi naga moi duru itotorou Ma Jou ai himangoka abe ahao ngini niamake de nia lako, abe gea ihiromanga ato o hikangela ma dorou. De ma hikangela ma dorou gea niamake ma oraha igogere Ma Jou ai Tauoka. De gea ena ihiboa nia kota o bobinaahaika. Iya, ahi dogogono ma demo gea kiani duru niongano-nganono la ka idadi niataoko ma titi.”

Lukasa 20:24

“Abeika niaoino moi o tiwi ise-senge abe biaha o nyawa yapake la yofangu ma pajaka, la gea ka idadi tolegahi.” De ahao gea moi iwihidoaka de Una waleha onangika wato, “Ma tiwioka naa to onaguna ai hapa naga de to onaguna ai romanga?” De gea iwipaluhu ato, “De gea to o Roma ma nyawa manga koano.”