Gegetongo 22:31 - Ma Jou ai Demo-demo o Totobelohoka

³¹ De ka de wotemo hokogea de Ma Jou o Yawe wohiakunu o Bileama ai lakoika la hiadono ka idadi unangoo wimake Ma Jou o Yawe ai malaekata ai himangoka. De o malaekata una duru o ngekomo ma goronaka de womahingairoko de ai dia abe ma doto arihononga! Ho ka de o Bileama wimake de duru watilabukuku o ngekomoka de womaponuku ka hiadono ai pea itiki ma tonakuku.

Gegetongo 22:31 ပူးပေါင်းရင်းမြစ်များ

Dodadi 21:19

De ahao Ma Jou womihimatoko munangika o humu moi abe ko ikurutikaua. De o ngo Hagara maika de manga akere ma ngi maoma-omangiye de midotaka o Isimaelika de mihiokere.

Huhupu 34:8

Ka de Ma Jou ai demo gea o Musa woihene de womaponuku womahuba hiadono ai pea itiki o tonakuku.

Gegetongo 22:30

Ka de o Bileama wotemo ibooto de ai keledai itemoli abe ileha unangika ato, “Sarakia ngohi naa ko to ngonaua ani keledai abe naa ma dekanino tonileleani tonihidagi-dagi ahi poretoka? De sarakia ma dodihiraino de ngohi tabiaha tonilawana hokonenangoli?” De o Bileama wopaluhu ai keledaiika wato, “Koua, ko ma iwahi ma dihiraino nohilawana.”

Gegetongo 24:16

Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.

Gegetongo 24:4

Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.”

Lukasa 24:16

De ona ka idadi iwimake masara ko iwihiorikua angamoi imaketero hoka manga lako atatokohi la ufa iwihioriki gea o Yesusu.

Lukasa 24:31

De ka de ai datoro gea yamake de manga hininga ma lako ko atatokokaua ho duru itararono iwihioriki Unangika. Masara ka de iwihioriki de Una ka aiaho, ko iwimakeokaua!

Yohanese 18:6

Ka de o Yesusu wotemo dika wato, “Ngohi Naga,” de itodokanino o nau-nauru manga ngoe gea ihidepewanga hiadono o tonakuku yokokiruba.

Hidingoto 26:18

la to ona manga hininga ma lako ka idadi ifelenga la ka idadi ihioriki ma gou-goungu. De abe ihiorikoka ma gou-goungu, gea imaketero hoka manga hininga ma fufutu yanoaka la o dararoninoli yoboa, angamoi gea yanoa o Ibilihi ma haeke ma kuaha la yomanoali Ma Jou ai kuaha ma goronaka. De ona gea ahao ka idadi manga howo-howonino aofioka. De gea yodadi Ma Jou ai kokawaaha la manga gogere duru imakadaene dika de to Una ai kokawaaha utu mata-mataika manga gogere. Abe ma hiowa gea mata-mata ahao idadi onangika ma titi abe ihingaku-ngakuoka Ngohino.’ De hokogea ahi Baluhu idodutu o Yesusu ai demo ngohino abe ma dihiraino.”

Yosua 5:13

De o Yosua woiki womahitigi o Kanani ma nyawa manga kota o Yerikoika. De gea womalega ai himangika de wimake o nauru womatengo womaokoino ai himangoka de una gea wasoino ai humaranga ma doto arihononga. De ahao o Yosua womahitigi-tigika o naurika gea de wileha wato, “Ngona naa to ngomi mia dodiawo eko mia musu?”

Yosua 5:14

De ma nauru gea wipaluhu o Yosuaika wato, “Ngohi naa ko ani dodiawoua de ko ani musua. Masara ngohi naa Ma Jou o Yawe ai tentara manga hidimono abe Una wohihidingoto nenangino.” Hokogea womahingahu o malaekata gea. Ka de o Yosua woihene o malaekata ai demo gea de womaponuku de ai horomati o malaekata ma himangoka ka hiadono ai pea itiki ma tonakuku. Hokogea o Yosua womahitipokouku. De ahao o Yosua wotemo o malaekatika wato, “Ahi baluhu, ngohi naa ahi hininga la ka ihikaika tileleani Ma Jou o Yawe ho ngona nohihingahu dika ngohino o kia dika noigo todiai de gea ngohi ahao tosanangi todiai.”