Gegetongo 21:24 - Ma Jou ai Demo-demo o Totobelohoka

²⁴ Masara o Isiraele ma nyawa duru yomaduhunu de yahikalaka hiadono duru yatetetoruku o Amori ma nyawa manga tentara de ka hiadono manga koano o Sihono unangoo ma, iwitomaka. Ho gea to una ai tonaka o Isiraele ma nyawali yakuaha o Kokoroongo ma akeroka de ka hiadono o Yaboko ma akerika. Masara ko yogila-gilaua o Amono ma nyawaika angamoi to ona manga tonaka ma batingi duru yogoana de manga buturungu.

Gegetongo 21:24 ပူးပေါင်းရင်းမြစ်များ

Dodadi 32:22

De o Yakubu womaidu masara o futu gorona de womomiki de ngoi fekata idodutu yahinooto de ngoi fekata o hidoakino yahinooto wakokihuloko la yomahihora doka o Yaboko ma akere ma honongaika. De wato ai ngofa-ngofaka o nauru yangimoi de yamoi onangoo yao.

Gegetongo 21:13

De ipaha yoikoli ka hiadono o akere moioli duru ipahahanguku ma romanga o Kokoroongo ma akere abe imanoa o tonaka ma kakaahaka de idadi manga tonaka ma batingi o Amori ma nyawa de o Moaba ma nyawa. Ho yomahihora doka o Kokoroongo ma akere ma honongaika abe gea o Moaba ma nyawa manga tonaka de ahao manga tau o ngoerino ihigokoli la yomahiaini genangoka.

Higalioli 29:7

De ahao o Musa ka wotemohi onangika wato, “Ma dihiraino abe ma oraha ngone hokokiboaino naangino, naga o Hesebono ma kota manga koano o Sihono de o Basana ma tonaka manga koano o Ogo, ona homoi-homoi yoboaino la inaparangi, masara ngone ka idadi hahikala onangika.

Higalioli 3:16

De gea ma hononga moioli tahidoaka o Rubene de o Gaada ma nyawaika. De ma hononga gea ma tonaka abe daku o Arono ma akeroka ka hiadono o Yaboko ma akere abe imahitigino de o Amono ma nyawa manga tonaka.

Higalioli 31:4

De niwohama ma tonakika ipahaino de ahao Ma Jou wahikala ma nyawa abe yogogere genangoka, imaketero hoka ma dihiraino de wahikala o Amori ma koano yahinooto gea o Sihono de o Ogo.

Yosua 24:8

De o Yosua wogila-gila wadofanga Ma Jou o Yawe ai hohininga ma ade-ade o Isiraele ma nyawaika, wato, “Ka de uku de Ngohi ahi nyawa o Isiraele ma nyawa tahihira-hira o Amori ma nyawa manga tonakika abe naga o Yorodani ma akere ma honongaka abe doka o wange ma botokaiha. De o Amori ma nyawa gea duru yaparangi masara Ngohi tahidoaka o lolaku nia totoforaika hiadono o Amori ma nyawa manga tonaka ka idadi yomahitoona de onangoli yogogere genangoka.

Yosua 9:10

De nagali ma ade-ade abe hokokia wodiai o Amori ma nyawa manga koano yahinootoika gea doka o Yorodani ma akere ma honongaka. Abe ma koano gea naga womatengo ai romanga o Sihono abe wahikoano ai nyawa o Hesebono ma kotaka. De womatengoli ai romanga o Ogo abe wahikoano o Basana ma tonakoka de ai kota o Asitaroto.

Hihira 10:11

De Una wapaluhu onangika wato, “Sarakia, bote ngini naa ko niohiningakaua ma oraha tiniduhunu o nyawa manga ngoe manga giama homoi-homoiino? Abe ma dihiraino de ngaro o Mesiiri ma nyawa de abe o Amorioka de o Amono de o Filistina,

Hihira 11:13

De o Amono ma nyawa manga koano unangoo wahuloko o Yefata ai hidingoto ma nyawaika la ai babaluhu ma demo yadofanga iwihingahu o Yefatika, de hokonaa o koano gea ai demo wato, “Ma dodihiraka abe ma oraha ngini o Isiraele ma nyawa nihupu o Mesiiri ma tonakino de o tonaka nenanga abe ngohi tohikoano nia totofora gea imiora. Abe ahi tonaka ma batingi o Kokoroongo ma akeroka ka hiadono o Yaboko ma akerika de ka hiadono o Yorodani ma akerika mata-mata yomaleoka ma tonaka gea. Ho naa adonoka ma oraha abe ma tonaka mata-mata gea kiani nihigilio ngomino la homakadame ngini de ngomi de ko homaketeparangiua.” Ho o Amono ma nyawa manga koano ai demo gea yadofanga o Yefatikali.