Gegetongo 21:2 - Ma Jou ai Demo-demo o Totobelohoka

² De ahao o Isiraele ma nyawa yomaniata de iwihibehehongo Ma Jou o Yaweika, ato, “Mia Jou, nako Ngona ahao nomiduhunu la hiadono o Arada ma nyawa gea miahikala de ahao ngomi mimahihuba de o uku Ngonaika manga kota-kotaka hiadono moioo de ko iwa abe mimadumungu manga kiahonangino.” Hokogea manga niniata ma demo.

Gegetongo 21:2 ပူးပေါင်းရင်းမြစ်များ

Dodadi 28:20

Gea wodiai ibooto de o Yakubu womatemo wato, “Naa duru tagoungu ahi behehongo, nako Ma Jou wohiniiki de wohigoana ahi dodagi ma goronaka naa, de gea wohihidailako ahi inomo de ahi pakeanga.

1 Korintusu 16:22

Onagona dika ko iwidoraua nanga Baluhu idodutu o Yesusu Kristusu, ahao ona gea kiani Ma Jou wahikoboto de gea yamake manga hohowono ka hiado-adonika. Nanga Baluhu, duru tonihafini la Ngona nomataiti noboa!

Yosua 6:17

De kiani o Yeriko ma kota de ma dola mata-mata hahibinaaha! Ngaro o nyawa, de manga aewani, de manga kiahonanga, ma kiani hahibinaaha angamoi Ma Jou o Yawe ai behehongo ngoneino la mata-mata gea ngone hidingakoka Unangika ho ena gea mata-mataika homahihuba Unangika de o bobinaaha. Masara naga o Yeriko ma nyawa momatengo o ngo Rahaba homiduhunu abe ngaro muna gea momatobafukunu ami badanga, masara muna de ami dutu abe naga ami tau ma goronaka, ona kiani hahigunoa la yowango. Angamoi o ngo Rahaba gea abe maduhunu nanga gogianongoru yahinooto gea abe hahidingoto la ona yoiki yatailako manga kota, de ona gea muna magogono ami tauoka hiadono ka yowangohi ma oraha naa.

Yosua 6:26

De ma oraha gea yahihuba ma kota gea Ma Jouika de o Yosua wotemo de o koboto ma demo, wato, “Ngaro Ma Jou o Yawe wahohowono onaguna dika abe nako ahao, una wato wohitaili o Yeriko ma kota naa wohigokoli ma hungi! Ho ka de una wodiai abe idadi o kota ma lifunu, De ai ngofaka o nauru o domoro wohonenge, De ka de o kota ma kurunga ma ngorana ma dadatoko wodiai, De ai ngofaka ma bahali unangoli wohonenge.” Hokogea o Yosua ai koboto ma demo abe o Yeriko ma kotaika.

Hihira 11:30

De o Yefata wihibehehongo Ma Jou o Yaweika wato, “Ahi Jou tomagahoko la Ngona nomiduhunu miaparangi o Amono ma nyawa hiadono o lolaku nohihidoaka ngohino.

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”