Gegetongo 21:1 - Ma Jou ai Demo-demo o Totobelohoka

¹ O Kanani ma nyawa utu yogogere o Negebe ma tonakoka de naga manga koano womatengo abe o Arada ma kota wahikoano. Ka de ma koano gea woihene o Isiraele ma nyawa gea yoboa to una ai tonakino de ai hininga ihuha. De o Arada ma koano gea una wohioriki abe yaniiki duru o Atarimi ma ngekomo gea abe o nau-nauru yangimoi de yahinooto ma dodihiraino yaniiki ma oraha yoiki yatailako o Kanani ma tonaka. Ho o koano gea de ai tentara yosobo de yaparangi o Isiraele ma nyawa manga dodagi ma goronaka de yamuruono naga yataoko de yaoka.

Gegetongo 21:1 ပူးပေါင်းရင်းမြစ်များ

Dodadi 12:9

De ma oraha yosoboli de o Abaraama ai dumutu o Negebe ma tonakika.

Gegetongo 14:45

De o loku-lokuiye ko yodoauahi de o Amaleke ma nyawa de o Kanani ma nyawa abe yogogere o loku-lokuoka gea yaaguti o Isiraele ma nyawauku abe ona yoboaino. Gea yaaguti de yaparangi hiadono yahidodohuku ka hiadono o Hibinaaha ma dolaika yadono.

Gegetongo 33:40

De ma oraha gea naga o Kanani ma nyawa manga koano womatengo abe wahikoano o Arada ma kota ma nyawa. De to una ai kota imanoa o Kanani ma tonaka ma honongaka abe dakuiye idateke. De ma koano gea woihenino ma titi abe o Isiraele ma nyawa naga yoboaino ai tonakino.

Higalioli 2:32

“De ma oraha gea manga koano de ai tentara mata-mata yohupuino la homaketeparangi o Yahasa ma kota ma himangoka.

Yosua 7:5

De o Ai ma kota o loku ma tubuoka ho o Ai ma nyawa yomulaenge daku manga kota ma ngoranoka de yakiniiki yahidodohuku o Isiraele ma tentara dau ma geleforuku. De naga ma geleforoka gea o Ai ma nyawa manga baiti abe ma dihiraino yomabaiti manga kota ma dadaduhu ma hakaru genangoka. Ho gea o Isiraele ma tentara yoara youti ma geleforuku de genangoka o Ai manga tentara yadaene. Ho ka de o Isiraele manga tentara yadaene de yatoma ngade-ngade yamoruange de yabutaanga. De hokogea idadi de o Isiraele manga tentara duru manga domoroini ko iwaka angamoi duru yohawanoka ho yoara ka hiadono to ona manga doomu ma ngiika.

Hihira 1:16

De ipahaino naga ma oraha abe o Yehuda ma nyawa yosobo o Yeriko ma kotaka la yoiki manga oara ma tonakika. De o Yeriko ma kota gea naga ma romanga moioli angamoi o nyawa utu yamake o biso ma ngoe iwangoiye genangoka ho yofetongo ato o biso ma kota. De ma oraha o Yehuda ma nyawa yosobo de o Keni ma nyawa yomakiniiki de de ona, abe o Keni ma nyawa gea o Musa ai toroa ai totoforauku. Ho ona mata-mata yomakokiniiki o Yehuda ma tonaka ma kakaahaika de ahao yomahisapuru de o nyawa genangoka ho yomanoa manga hidogoronaka. De manga gogere ma hungi gea o Negebe ma tonakoka abe o Arada ma kapongo ma honongaka.