Gegetongo 20:3 - Ma Jou ai Demo-demo o Totobelohoka

³ De gea ona o Musa iwihigurubungoli ato, “Koaho ma dihira gea de ngomi mihonengoka dika Ma Jou o Yawe ai himangoka hoka mia gogianongoruoli abe ka itodokanino de Ma Jou wahipoha de o hone-honenge hiadono yohonengoka.

Gegetongo 20:3 ပူးပေါင်းရင်းမြစ်များ

Higiriiri 106:33

De angamoi o Musa ahao de ai ngamo ma demo wataere onangika, Masara ai demo gea ko womafikirikaua de ka wohidemo ko itiaiua gea.

Huhupu 17:2

Ho ona duru iwihigurubungoli o Musaika ato, “Musa, nomihidoaka o akere la ngomi ka idadi miokere!” Hokogea iwiribuutu. De o Musa wapaluhu wato, “Adodoa ho ngohi nihiribuutu hokogea? Gea ibooto Ma Jou o Yawe niwitaili!”

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 14:3

Ho adodoa ho Ma Jou o Yawe womihiboa o tonakino naa? Gea woigo la womihohonenge dika o parangi ma goronaka, eko sarakia Musa? Done ahao nanga musu yolaku de yataoko to ngone nanga feka-fekata de nanga ngofa-ngofaka ato ona yodadioka to ona manga parangi ma hasilino ho yao de yahidadi manga huhuloko! Ho naa, Musa, ibootoka! Kiani ngone holio dika nanga poretika ka hiadono o Mesiiri ma tonakika homahiadonoka!” Hokogea manga gurubungu ma demo o Musa de o Harunika.

Gegetongo 16:49

Masara manga ngoe abe yohonengoka gea yasana ngimoi de iata de yaratuhu tumidi angamoi o hone-honenge ma panyake ma hohowono yadaene onangika de ka itodokanino de yohonenge. De nagali ona abe kanugonika yohonengoka ka ma moi de o Kora.