Gegetongo 20:29 - Ma Jou ai Demo-demo o Totobelohoka

²⁹ Ka de manga gogianongoru iwihioriki abe o Harunu igoungu wohonengoka de ona mata-mata duru kahumutaigarika hiadono o Isiraele ma nyawa o Harunu iwigari hiadono manga dekana manga wange moruangeino.

Gegetongo 20:29 ပူးပေါင်းရင်းမြစ်များ

Dodadi 1:10

Ka de o akere iowahoka de ahao o tonaka ma dudungu naga de Ma Jou wato, “Naa tohiromanga o dunia ma tonaka de ma ngooto abe itoomuinoka gea tohiromanga o gahi.” De mata-mata gea Ma Jou wamake duru irahai de wosanangi enangika.

Dodadi 1:5

De abe ma titi ma dawange gea Una wato, “Naa tohiromanga o wange-wange de ma fufutu gea tohiromanga o futu-futu.” Hokogenangohi aika wotulaada ho naga o futu de ahao iboa o dawange de gea duru o wange ma dodihiraka.

Dodadi 23:2

Ma oraha mohonenge ona yogogere o Kanani ma tonakoka o Hete ma nyawa manga hidogoronaka. Abe manga ngi o Kiriata-Aba ma kapongoka, de ma kapongo gea ma romanga hinooto, ho moioli o Heborono. De o Abarahaama ko iwiwa ma oraha mohonenge ho gea woboaino de iwihingahu. De wowohama munangika ami honenge wolega de duru o ngo Sara womigari de wohitunguu ai huha de ai horomati munangika.

Dodadi 50:10

Gea yomahiadono o ngioka abe o nyawa yapake la manga gandumu abe yautukino de genangoka yotobarero ma gandumu ma hofoko ma ngi. De manga kapongo genangoka ma romanga o Hatada ai Rorero ma Ngi. De ma ngi gea naga o Yorodani ma akere ma datekoka. De genangika o Yusupu de ai doomu yomahiadonoka de yodiai manga huha ma dodunguu ma gari o wange tumidino ma dekana ma titi manga horomati ai baba o Yakubika.

Dodadi 50:3

De ona gea manga karajaanga ka hiadono o wange moruata ma dekana de ahao iwibooto abe biaha hokogea manga dekana o nyawa yokokurutiye manga honenge yahidiai o Mesiiri ma tonakoka. De o Mesiiri ma nyawa manga huha ihitunguu o wange moritumidino ma dekana ma titi o Yusupu ai baba wohonengoka.

Higalioli 34:8

Ka de o Isiraele ma nyawa iwihioriki abe o Musa igoungu wohonengoka de ona duru kahumutaigarika hiadono o Musa iwigari manga dekana manga wange moruange o Moaba ma tonaka ma dolaka gea.

1 Samuele 25:1

De ipaha ahao o Samuele wohonenge de o Isiraele ma nyawa mata-mataika yomatoomuino iwihininga una ai dekana wahihira. De iwigari abe ihitunguu manga huha de manga horomati unangika de ahao iwilungunu o ngi moioka abe duru itigioka de ai tau abe o Rama ma kotaka. De o Samuele wopahaka de ahao o Dautu wosobo la womanoali o Parana ma tonaka ma kakaahaka.