De o Yosafata wogila-gila womaniata wato, “De abeika mia kangela ma oraha naa! Naga o Amono manga tentara, de o Moaba manga tentara, de o Seiri ma lokuino manga tentara abe ato imiparangi. O nyawa abe imingino naa, ona gea abe ma dihira mia totofora o Isiraele ma nyawa ko nahigunoaua yangohama o nyawa gea manga tonakika ma oraha yohupu o Mesiiri ma tonakino. Ho o nyawa abe ma tona-tonakoka gea duru youtumu angamoi mia totofora gea yarehene de ko yahibinaahaua onangika.
Gegetongo 20:21 - Ma Jou ai Demo-demo o Totobelohoka21 Ho o Isiraele ma nyawa ko yoboaua manga tonakino gea angamoi o Edomo ma nyawa manga hininga hokogea, ho o Isiraele ma nyawa kiani yololiti manga poretoko la o Edomo manga tonaka ma batingi ufa yatilakuru. အခန်းကိုကြည့်ပါ။ |
Gegetongo 20:21
10 ပူးပေါင်းရင်းမြစ်များ
Masara o koano o Sihono gea duru ko wodafongua manga gogahoko gea ho ko wahigunoaua o Isiraele ma nyawa yoboa o Amori ma nyawa manga tonakino gea abe to una ai kuahaka. De woluku hiadono wato waparangi onangika. Ho to una ai tentara wakokitoomuino de yotagi de manga midirihi o tonaka ma kakaahaika hiadono o Yahasika abe genangoka o Isiraele ma nyawa manga doomu naga. De genangoka o Sihono de ai tentara duru yaparangi o Isiraele ma nyawaika.
De ahao o Isiraele ma nyawa manga ngi o Hooro ma loku ma timiuku gea yokokisobo. De kiani o ngekomo yaniiki abe ma dumutu o Bongo-bongo ma gahioko la gea ka idadi o Edomo ma tonaka yaloliti hiadono yoboa o Kanani ma tonaka ma batingino doka o Edomo ma honongaka. Masara manga dodagi gea ma gurutika hiadono ko yomatongohonokaua.
Abe ahi demo hokonaa, itemo ato, ‘Abeika mia gogahoko ngona ma koanoika. Mimagahoko la ngona nomihigunoa miatilakuru ti ngini nia tonakino. Abe mia dodagi ma goronaka de ngomi ka mianii-niiki dika ma ngekomo ma amoko de duru ko mirehenua ma homoaika. Ho ti ngini nia redi ma ngoe gea abe naga ma ngekomo ma datekoka duru ko miaruwaeua.
De naa ma duru o Esau ai totoforauku abe yogogere o Edomo ma tonakoka de ona imihigunoa la miatilakuru manga tonaka, de hokogenangoli o Moaba ma nyawa abe yogogere o Ara ma tonakoka imihigunoa. Ho naa mimagahoko la nginioo nimihigunoa la miatilakuru hiadono o Yorodani ma akere gea mimahihora de ka idadi miwohama ma tonakika abe mia Jou o Yawe wonahidoaka ngomino.’ Hokogea ahi demo abe ahi hidingoto iwidofanga manga koano o Sihonika.”
De genangoka yotuluika de yomahingahu ma koanoika abe wahikoano o Edomo ma tonaka gea de hokonaa o Isiraele ma nyawa manga dimono yomagahoko unangika ato, ‘Koano, ngomi naa mimagahoko la ngona nomihigunoa minitilakuru ngaro ani tonakika miboa.’ Hokogea yomagahoko ato ko yotulua ai tonakoka ka yogila-gila dika masara o Edomo manga koano woluku wahigunoa yoboa ai tonakino. De ahao manga gogahoko imakadaene o Moaba ma tonaka manga koanoika masara unangoo ka woluku dika ho kiani ona o Isiraele ma nyawa ka yomagoo-gogere o Kadesoka.”
“De ahao o Kadese yanoa de yoiki o tonaka ma kakaahaika abe akiloliti o Edomo ma nyawa manga tonaka de o Moaba ma nyawa manga tonaka. De yotagi o wange ma hiwariye la gea o Moaba ma tonaka yakiloliti de ko yowohamua ka hiadono yotulu doka o Kokoroongo ma akere ma honongaka gea abe idadi o Moaba manga tonaka ma batingi. De manga batingi gea ko yatilakurua abe o Kokoroongo ma akere ko yomahihoraua doka ma honongaka gea abe idadi o Moaba manga tonaka ma batingi. De manga batingi gea ko yatilakurua abe o Kokoroongo ma akere ko yomahihoraua doka ma honongaika abe gea to Moaba ma nyawa manga tonaka ho ona genangoka dika ma honongaka yomagoo-gogere.”
ကြော်ငြာတွေ