Gegetongo 20:18 - Ma Jou ai Demo-demo o Totobelohoka

¹⁸ Masara o koano gea wato, “Hokonaa ahi babaluhu o Musaika, ‘Ngohi duru toluku ngini niboa ahi tonakino! De nako ngini nimiribuutu ngomino la hiadono niboa ahi tonakino de gea ngohi ahao tinibuhuku de tao ahi tentara!’” Hokogea o Edomo manga koano manga gogahoko wopaluhu.

Gegetongo 20:18 ပူးပေါင်းရင်းမြစ်များ

Gegetongo 20:19

De o Isiraele ma nyawa gea ka yotemohi unangika ato, “Masara Koano, ngomi duru mia baluhu ai demo mitotaka ho ma moioli de to una ai gogahoko migahoko la nomihigunoa mihidotobiki ani tonakino de ngomi mitowongi de duru mianiiki nia ngekomo ma amoko gea dika abe ihiromanga o Kokoano manga Ngekomo. De nako mia dodagi ma goronaka miboa ani tonakino de ngaro ngomi eko mia aewani miaokere nia akere gea ahao ngomi mifangu. De ngomi duru ko iwa mia gogahoko utu ngonaika bowahu mia gogahoko moi dika la ngomi miboa angamoi mia dodagi ma dumutu doka ani tonaka ma honongaika ho kiani ngomi minitilakuru.” Hokogea manga gogahoko ma hidogo o Isiraele ma nyawa.

Gegetongo 20:20

Masara o Edomo manga koano wahiree-reeika wahingahu onangika, wato, “Ngohi tato duru ko idadiua niboa ahi tonakino!” Ai demo gea wahuloko la ona yadofanga o Musaika ho yototaka o Isiraele ma nyawaika. De ahao o Edomo manga koano ai tentara watoomuino de yokokigoana manga tonaka ma batingoka. Ona ato nako o Isiraele ma nyawa yoboa de duru yabuhuku de manga buturungu de manga tentara gea duru ko manga ngoe.

Gegetongo 21:23

Masara o koano o Sihono gea duru ko wodafongua manga gogahoko gea ho ko wahigunoaua o Isiraele ma nyawa yoboa o Amori ma nyawa manga tonakino gea abe to una ai kuahaka. De woluku hiadono wato waparangi onangika. Ho to una ai tentara wakokitoomuino de yotagi de manga midirihi o tonaka ma kakaahaika hiadono o Yahasika abe genangoka o Isiraele ma nyawa manga doomu naga. De genangoka o Sihono de ai tentara duru yaparangi o Isiraele ma nyawaika.

Gegetongo 21:4

De ahao o Isiraele ma nyawa manga ngi o Hooro ma loku ma timiuku gea yokokisobo. De kiani o ngekomo yaniiki abe ma dumutu o Bongo-bongo ma gahioko la gea ka idadi o Edomo ma tonaka yaloliti hiadono yoboa o Kanani ma tonaka ma batingino doka o Edomo ma honongaka. Masara manga dodagi gea ma gurutika hiadono ko yomatongohonokaua.

Gegetongo 24:18

O Edomo ma nyawa onangoo ma, ahao una wahikala, Ka de ona o Seiri ma tonakoka iwimusu de waparangi hiadono wahikala. Masara o Isiraele ma nyawa ka ihikaika manga buturungu idogo, Ona ka ihikaika yogila-gila manga buturungu de manga tobalaku idogo.

Higalioli 2:29

De naa ma duru o Esau ai totoforauku abe yogogere o Edomo ma tonakoka de ona imihigunoa la miatilakuru manga tonaka, de hokogenangoli o Moaba ma nyawa abe yogogere o Ara ma tonakoka imihigunoa. Ho naa mimagahoko la nginioo nimihigunoa la miatilakuru hiadono o Yorodani ma akere gea mimahihora de ka idadi miwohama ma tonakika abe mia Jou o Yawe wonahidoaka ngomino.’ Hokogea ahi demo abe ahi hidingoto iwidofanga manga koano o Sihonika.”