Gegetongo 20:15 - Ma Jou ai Demo-demo o Totobelohoka

¹⁵ De ngini nihiorikoo abe ma dihira to ngomi mia totofora yomaturuuru o Mesiiri ma tonakika de genangoka ngomi mifaa-faatuku angamoi genangoka migogere duru mia dekana. De ika-ika o Mesiiri ma nyawa gea imihidadi manga huhuloko abe duru imihikarajaanga de ma dubuho.

Gegetongo 20:15 ပူးပေါင်းရင်းမြစ်များ

Dodadi 15:13

De ahao Ma Jou o Yawe wihitararono o Abaraamika wato, “Hokonaa todiai la ngona ka idadi nohioriki igoungu hokokia manga kangela ma amoko yamake ani totoforauku. Abe ona ahao yodadi o homoa ma nyawa o tonaka moiokali. De o nyawa abe yogogere genangoka ahao ani totoforauku gea yahidadi manga huhuloko abe yahitipokouku de yahikarajaanga de o karajaanga kohadubuho. De hokogea duru yahikangela manga taongo o ratuhu iata manga dekanino.

Dodadi 46:6

De to ona manga aewani o dofo ma duduono mata-mata yakokiao, de manga kiahonanga mata-mata gea abe yamake ma oraha ka yogogerohi o Kanani ma tonakoka enangoo yakokiaoka. Hokogea o Yakubu de ai ngofa-ngofaka de ai dano-danongo yokokiloiki o Mesiirika.

Dodadi 46:7

Ho gea yongodumu o Yakubu de ai ngofa-ngofaka o nau-nauru, de o ngo-ngofeka, de ai dano-danongo mata-mata wakokiao ma oraha yomaturuuru o Mesiirika.

2 Samuele 12:18

Ho adonoka o wange ma tumidi gea de ai ngofaka gea wohonenge de ona abe ai datekoka iwileleani duru yohawana iwihingahu o Dautika abe ai ngofaka wohonengoka. Abe ona o dimo-dimono ai tau ma goronaka yomakoketemo ato, “Nako hokonaa ai huha ma oraha ai ngofaka gea ka wowangohi de sarakia nako ngone hihingahu wohonengoka ho done utuohi ai hininga ma huha ma amoko. Abeika ngaro ai ngofaka wowangohi ma ko wonahigihenua ho done ai hininga sarakia naa nako hihingahu ai ngofaka gea wohonengoka. Done ka de hihingahu de una duru womahikangela ai badangika.” Hokogea yomakokuhudu.

Huhupu 1:16

De wahuloko onangika wato, “Ma oraha ngini niaduhunu o Ibarani ma ngo-ngofeka yomagerewoto, de nako yomaboa o nauru kiani niahohonengoka masara nako yomaboa o ngofeka, ufa niatoma ho nianoaika dika la yapaliara manga dimono.”

Huhupu 1:22

De ahao o Firaunu wahuloko ai kokawaahaika wato, “O nauru mata-mata yomaboa o Ibarani ma nyawaino kiani niaoraino de niaumo o Nili ma akeruku! Ma nako manga ngofa-ngofaka o ngofeka mata-mata nianoaika la yowangohi.” Hokogea o Firaunu ai huhuloko.

Huhupu 12:40

De gea o Isiraele ma nyawa yogogere o Mesiiri ma tonakoka manga dekana adonoka manga taongo o ratuhu iata de moruange ibooto.

Huhupu 5:14

Masara ngaro hokogea yaribuutu ma, manga tela ko adonokaua ma ngoe abe hoka ma dihiraino. Ho gea o Mesiiroka manga balu-baluhu yangamo ona yahiatu-aturika hiadono duru yapoha-poha onangika. De yaleha onangika ato, “Adodoa ho hiadono o wange hinootoino naa de nia tela ko adonua ma ngoe abe hoka ma dihiraino?” Hokogea yangamo onangika.

Gegetongo 11:5

Ei, de nako ngone o Mesiiroka ma nawoko gea ena ka haolomo abe ngaro ufa dika de hofangu masara holomo dika ka hiadono inapunuhu. De naga o timu, de o hamaaka, de o bawanga ma doka-dokara, de o bawanga ma gare-garehe, de o bawanga ma ago-agomo ho duru nanga hafini itagi ma inomika gea.

Gegetongo 16:13

Marai ngona nato o kiali nodiai ngomino? Marai ngona ko iniwedonuahi nomihikangela ngomino e? Abeika mia kangela ma ngoeoka ma titi ngona nomihihupu o Mesiiri ma tonakino abe genangoka ma joro duru ikutufuru ho nanga inomo duru kohaamoko. Masara ngona! Ngona nato nomiao o tonaka ma kakaahaino naa la ka idadi nomihohonenge nenangoka. De naa nato nomihipareta de ma buturungu hiadono nomihulo-huloko hokonaa.

Gegetongo 20:14

De ma oraha yogogerohi o Kadesoka gea o Musa womahidiai yogila-gila de angamoi manga ngekomo ma hidotobiki o Edomo ma nyawa manga tonakika ho wato ko yoikuahi de kiani yomahingahuohi o Edomo manga koanoika. Ho wairiki o nyawa yamuruono naga la ai hingahu o Edomo manga koanoika ka idadi ona yadofanga unangika. De hokonaa o Musa ai hingahu manga koanoika gea, wato, “Ngomi naa ti ngini nia gogianongoru abe nia tofora o Edomo una o riaka de to ngomi mia tofora ai dodoto o Isiraele abe ngomi o Isiraele ai totoforauku. Ho ngone o ria-dodoto idodutu adaene. De marai ngini niihenoka abe o kokangela ma ngoe imidaene ngomi o Isiraele ma nyawa.

Gegetongo 20:16

Masara ngomi duru mimagahoko Ma Jou o Yaweika o duduhunu de Una womigihene de ai malaekata wohidingoto ngomino la womihihupu o Mesiiri ma tonakino. Ho ngomi naa mia dodogumoka o Kadesoka, o kapongo moi abe duru ani tonaka ma batingoka.

Hidingoto 7:15

De gea o Yakubu ona mata-mata yokokiboa o Mesiiri ma tonakino. De ino ino de o Yakubu de ai ngofa-ngofaka ona mata-mata yoborihonenge o Mesiiroka.

Hidingoto 7:19

De ma koano gea naga ai hidee ma dorou abe nanga totoforaika ho waribuutu onangika la manga ngofa-ngofaka ma gilau yanoaika dika la wato yokokihonenge.”