Gegetongo 16:47 - Ma Jou ai Demo-demo o Totobelohoka

⁴⁷ De o Harunu duru womataiti womahidiai hoka o Musa wihuloko ho una womapopaata o Isiraele ma nyawa manga hidogoronaika. De o hone-honenge ma panyake ma hohowono enangoo duru itaiti imahora masara o Harunu womahihuba o manyanyi gea Ma Jou o Yaweiye la ai huhubaino gea manga howo-howono Ma Jou wahiapongo.

Gegetongo 16:47 ပူးပေါင်းရင်းမြစ်များ

Higiriiri 106:29

De Ma Jou o Yawe wamake ai nyawa hokogea yahowono Unangika, De duru ai ngamo ifae onangika ma titi gea abe yotobadiai ihowono. Ho Ma Jou wohiboa o panyake abe duru imahora-hora manga hidogoronaka.

Gegetongo 16:46

De ahao o Musa wihuloko witataiti o Harunika wato, “Harunu, kiani ngona nomataiti nale ani manyanyi ma dudufuku ma ngi de genanguku nonoa o uku ma ngaboho o Haro-harongo ma Huhuba ma Ngiino. De ka de Ma Jou ai manyanyi natufuku de nomapopaata manga hidogoronaika la nomataiti nodiai manga howono ma dadamunu. Abeika imulaengoka, Ma Jou o Yawe ai ngamo ma amoko duru itagi manga hidogoronaka. Abe igoungu o hone-honenge ma panyake ma hohowono idadioka imahora-hora manga hidogoronaka.”

Gegetongo 16:48

Hokogea o Harunu wohitogumu o hone-honenge ma panyake ma hohowono gea. Abe o Harunu womaokoino o nyawa manga honenge de manga ngango ma hidogoronaka hiadono Ma Jou ai hohowono duru ko itagiokaua onangika abe ka yowangohi.

Gegetongo 25:13

Abe ma titi mia behehongo gea ma goronaka de tihidoaka unangika de ai totoforaukuikaoo la ona ka ihikaika yodadi o Isiraele ma nyawa manga hidemo ma nyawa. Angamoi mangale ai hininga ma hauku la woduhunu de wohidemo Ngohi to una ai Jou ho una hoka wohitebini ai gogianongoru o Isiraele ma nyawa. De ai datorino gea de to ona manga gogao Ngohino idadi itiaiokali. Ho hokogea to Ngohi ahi demo abe ngona o Musa ka idadi nidofanga o Pinehasika.”

Matiusu 5:44

Masara Ngohi naa tato ngaro ti ngini nia musu ma onangikaoo ngini kiani niadora onangika! De nako naga abe inihikokangela, ngini niagahoko ma owa ma titi ona gea Ma Jouiye la ona ahao yamake o hiowa Ma Jouino!”

Roma 12:21

Ho gea ngohi tato ufa o nyawa manga datoro ma dorou abe yodiaioka nginika de inihikala genangino hiadono nginioo nioigo nimahibalaha de ma dorou onangikali. Ko idadiua hokogea ngini nidiai, masara koaho niahikala to ona manga datoro ma dorouika ma titi ti ngini nia datoro ma rorahaiino abe nidiai onangika.