Gegetongo 16:41 - Ma Jou ai Demo-demo o Totobelohoka

⁴¹ Masara ma dawangeino dika de o Isiraele ma nyawa manga doomu ma amokika ona yomulaenge yahigurubungoli o Musa de o Harunika hiadono yahingahu manga himangika ato, “Ngini inihinooto abe duru niatomaka Ma Jou o Yawe ai nyawa!”

Gegetongo 16:41 ပူးပေါင်းရင်းမြစ်များ

1 Kokoano 18:17

De ka de o Ahaba wimake o Elia de wihitodokanika unangika witemo wato, “Abeika ngona, o Tobahikangela, ho naa de nomahimatoko abe ngona duru nahikangelaka o Isiraele ma nyawa!”

Higiriiri 106:13

Masara gea abe Ma Jou wodiaioka onangika ko itedekanua de ona yawohangoka, De hiadono ko yomatongohonua yodamaa ai hiaturu ma owa onangika.

Higiriiri 106:23

Ho ma titi Ma Jou iwiporetoka hiadono Una wahidee wato ona wahibinaaha, Masara o Musa abe Ma Jou wiirikoka duru ai nyawa waademo Ma Jouika, Nako o Musa ko wodadiua manga hidemo Ma Jou o Yaweika ona yokokihonenge, Masara una duru wagahoko hiadono Ma Jou ai ngamo wohiriidi.

Gegetongo 14:2

De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!

Matiusu 5:11

De ahao o Yesusu wogila-gila wadotoko iwinii-niikika wato, “De nako ngini nihinii-niiki Ngohi de genangino ma titi abe o nyawa iniwea-weara nia roma-romanga de inihikangela nginika, de abe inihiade-ade de o ngeluku ma dorou nginika, de gea nginioo niamake ma hiowa Ma Jouino.

Hidingoto 21:28

De ona yopoa-poaka ato, “Abeika ngini o Isiraele ma nau-nauru! Ngini kiani nimiduhunu ngomi naa! Angamoi una naa ai dodotoko imakalawana de to ngone nanga wowango, abe una wotagi-tagi aika aino de wahigaro o nyawa ko manga ngoeika la wato ngaro ufa de yaniiki to ngone nanga pareta! De ai demoino de wahitipokouku Ma Jou ai Tau naa. De hiadono una wohipeseke Ma Jou ai Tau abe ma titi waoino ona ko o Yahudi ma nyawaua la onangoo yowohamino Ma Jou ai Tau ma loa naa, de gea duru ko idadiua!”

Hidingoto 5:28

“Nengokadauino de duru minihuloko nginika la miato ibootohi niadotoko de to Una gea ai romanga! Ho naa done sarakia? Angamoi gea ko nimihigihenua masara o Yerusaleeme ma kotaka naa aomangoka de ti ngini nia dodotoko abe ma titi o Yesusu! De hongoli nia demo ma goronaka de nimitaeoka ngomi naa niato ngomi wiwihohonenge Unangika!”

1 Korintusu 10:10

De ufa ngone hihidemo abe imaketero hoka ona gea utu ma dihira iwihidemo, de ona gea Ma Jou wahibinaaha de ai malaekata womatengo abe iwihiromanga o hone-honenge ma malaekata.

2 Korintusu 6:8

De ngaro o nyawa imihoromati ngomino eko ngaro imingelo, masara ngomi ka wiwileleani dika Unangika. Angamoi igoungu o nyawa utu imisanangi masara utuoli imihohedu. De utu hiadono imitae ngomino ato bari mitobaelu-eluku, masara ngomi naa ma gou-goungu dika miahingahu-ngahu o nyawaika.

Yudasa 1:16

De ma demo gea duru yahitaana de ona gea abe yomahisapuru nginika, angamoi ona ka ihikaika yokurubungu de yabobeto o nyawaika, de abe manga wowangoka yatobaniiki to ona ma hirete manga badanga ma hafini. De nako manga uruoka ona duru yomagorakiye ona ma hirete, de nagali abe ona yahigiriiri o nyawa utuika de manga demo ma ilingi ma mutiti la ato ma utumu yomamake onangino gea. Ho gea to Henoko ai demo ma dodihiraino duru yahitaana onangika abe ma titi to ona manga hohowono hokokia ahao yamake Ma Jouoka de aino.