Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gegetongo 16:38 - Ma Jou ai Demo-demo o Totobelohoka

38 Kiani hokogea de manga manyanyi ma dudufuku ma ngi mata-mata abe yapake o nau-nauru gea abe manga howono yofangu de manga wowango. De o manyanyi ma dudufuku ma ngi mata-mata nako o Eleasara watoomuino ibooto de ahao watutukoli hiadono ma baka-bakaka ka hiadono ma ngina-nginakahi. De gea ena ahao una de ona abe iwiduhunu yapake la o haro-harongo ma huhuba ma ngi ihilape ma poretino. Ngini kiani hokogea niapake ma tabaaga gea abe ihisapuru o hori angamoi ma dihira o manyanyi manga dudufuku ma ngi gea ona ihidingakokau Ngohi Ma Jou o Yaweino. Ho naa idadi o haro-harongo ma huhuba ma lape ma lokuoka. De ahao ka ihikaika ka de o Isiraele ma nyawa yamake ena gea ma oraha manga huhuba yomahihuba de ona yomahihohininga ma hohowono abe o wange naa idadioka. De ona yomahitiarioo la ufa ihigalioli ihilawana Ngohino.” Hokogea Ma Jou ai behehongo o Musaika de hokogea wadofanga o Eleasarika.

အခန်းကိုကြည့်ပါ။ ကော်ပီ




Gegetongo 16:38
14 ပူးပေါင်းရင်းမြစ်များ  

De ahao ma koano o Saloomo wotemoli de womahikoboto moi wato, “To ahi riaka ai hininga gea duru itorou! Ho mangale ma titi ai demo gea hiadono ngohi kiani tihohonenge dika. De nako hoka ngohi tawohangika ahi demo de una ko wohonengua, gea tomagahoko la Ma Jou o Yawe wohihohowono de o dodotoko ma dubuho ngohino!


De manga bodito itigioka onangika gea abe o nyawa yatobaora ka ihikaika. To ona manga hidee la o nyawa yagogataheke la yomagora manga kiahonanga masara ma bahauku de manga dorou yadogilioro onangikali ho hiadono onangoo yoboditoka.


Masara ona abe ko ihimakeua ngohi, o wowango ma sosawaro, ona gea ka ihikaika yomahikangela dika. De ona mata-mataika abe ihidohata ngohino gea imaketero hoka yodora o hone-honengika.” Hokogea Ma Jou wohiketero abe to Una ai sosawaro de to ena ma ilingoka la inahidumutu o wowango ikurutu ma ngekomika.


Masara hokogenangua! Mangale ma titi niatoma-toma o nyawa hiadono imaketero hoka nimahiwewedere nia roma-romanga de tanu nimahirusaka dika ngini ma hirete!


wato, “Musa, nihuloko nia hidemo o Harunu ai ngofaka o Eleasarika, la una waika ma uku ma kafoika gea de kiani wagoraka manga manyanyi ma dudufuku abe ena gea o tabaagaino abe ihisapuru de o hori. De angamoi ena mata-mata o debi-debini ma kiahonanga abe ma dihira ihikokidingakokau Ngohino. Ho kiani o Eleasara wakokigoraka de to ena ma uku ma ngaboho kiani wohikabarihoka ma gogurutika.


Naa o Eleasara una gea manga hidemo abe o Isiraele ma nyawa wahidemo Ma Jouika ho naa wihingounu o Musaika ho watoraka o manyanyi ma dudufuku ma ngi o ratuhu hinooto de moritoa abe ona gea yapake ma oraha yohonenge o uku ma goronaka. De ahao wohiaturu la o manyanyi ma dudufuku ma ngi gea ai dodiawo yatutukoli ka hiadono ma ngina-nginaka la yapake ihilape o haro-harongo ma huhuba ma ngi.


Hokogea o Eleasara wodiai duru imaketero de Ma Jou o Yawe ai behehongo o Musaika la idadi o hitiari o Isiraele ma nyawaika. Ma Jou woigo la duru ko yawohangua abe o Harunu dika de to una ai ngofaka yolape-lapeuku ka idadi o manyanyi yotufuku la idadi o huhuba Ma Jou o Yawe ai himangoka. Ho nako naga o nyawa abe ko o Haruninoua abe yatufuku o manyanyi Ma Jou o Yawe ai himangoka de ahao onangoo kiani yahohowono ka hiadono yohonenge abe duru imaketero hoka o Kora de ona abe iwinii-niiki una.


De ahao Ma Jou o Yawe wotemoli o Musaika, wato, “Musa, nako to Harunu ai tutukunu gea, kiani ena gea nohigilio de nakelenga duru ahi himangoka o Behehongo ma Peti ma datekoka la genangoka ka ihikaika naga o hitiari ma dodunguu o Isiraele ma nyawaika abe ma oraha nako idadioli ona ihilawana Ngohino. Hokogea todiai la ibootoka manga gurubungu itagioli Ngohino de ibootoka o nyawa yohonenge ma titi manga lawana Ngohino gea.” Hokogea Ma Jou wahitiari.


De gea mata-mata abe ma dodihiraka idadi nanga totoforaika, gea idadi to ngone nanga dodotoko, de gea Ma Jou wohitulihuku la idadi o hitiari moi ngoneino abe howango ma oraha naa abe o dunia ma bobaha hatoli itigioka. Abe to ngone nanga totoforaino manga oraha ikokibootoka, masara ngone ka howango-wangohi ma oraha naa hamakeoka hoka nanga oara eko nanga hitiari onangoka de aino, abe ngone naa ka idadi homadotoko to ona manga ade-adeino. Angamoi ma dihira gea onangoo Ma Jou ai nyawa abe duru wahiowaka, masara ka yorubahi hiadono kiani Ma Jou wahohowono.


De nagali o Sodomo de o Gomora ma kota, abe ena gea duru Ma Jou wahihohowono de o uku ho duru wahibinaahaka hiadono ma hou ka ma kafokahi ililiaroko. De ai hohowono gea idadioka o hitiari moi o nyawaika abe manga hiningaka ato iwilawana Ma Jouika, done onangoo yamake to Una ai hohowono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ