Gegetongo 16:35 - Ma Jou ai Demo-demo o Totobelohoka

³⁵ Masara ona yaratuhu hinooto de yamoritoa gea abe iwinii-niiki o Kora ko yoarua yomahikabarihi ho ona nagahi manga dingiioka de itodokanino nagali o uku Ma Jou o Yaweoka de aino! De o uku gea duru ka itodokanino itokara ma amokika de yakokiuku ka ma moi o nau-nauru yaratuhu hinooto de yamoritoa gea abe yomahihuba manga manyanyi, gea ona mata-mata Ma Jou wakokitufukoka.

Gegetongo 16:35 ပူးပေါင်းရင်းမြစ်များ

Higiriiri 106:18

De ma moioli Ma Jou wohiboa manga doomuino o hohowono ma rupa o uku. De abe ona yodiai itotorou Ma Jouika yauku hiadono yotinoka.

Gogao 10:2

Ho ka itodokanino naga o uku Ma Jou o Yaweoka de aino de yadaene o Nadaba de o Abihu o Tau o Ngoerino ma himangoka de genangoka ona yokokihonenge Ma Jou o Yawe ai himangoka.

Gegetongo 16:17

De ngona, Kora, nohiaturu la ngona de ani nyawa naa yaratuhu hinooto de yamoritoa niakokiaoino nia huhuba o manyanyi abe to ena ma dudufuku ma ngioka la ka idadi ngini mata-mataika homoi-homoi nimagao Ma Jou o Yawe ai himangoka.” Hokogea o Musa wihingahu o Koraika de ahao wihingahu o Harunikaoo wato, “Itebini ngonaoo nohiniiki ngohi abe ngonaoo kiani naga genangoka de nao ani huhuba o manyanyi abe ahao natufuku ani manyanyi ma dudufuku ma ngioka Ma Jou o Yawe ai himangoka.” Hokogea o Musa wahibehehongo to ona mata-mata manga himangoka.

Gegetongo 16:2

Naa o Kora de ona yahange gea iwihidee la ato o Musa iwihiguti la ibootohi wahihira-hira o Isiraele ma nyawaika. Ho yahigaro o Isiraele ma nyawa manga dimo-dimonika la onangoo manga hininga yaturuuru ka hiadono naga yaratuhu hinooto de yamoritoa manga dimo-dimono abe o Kora iwiniiki. Abe onangoo ato kiani o Musa iwituruuru la ato o nyawa ma hungioli wahipareta.

Gegetongo 16:34

De o Isiraele ma nyawa utu, ngaro ka manga gurutika ma, ka de yoihene manga gogianongoru gea manga boaka ma dorou de onangoo duru yohawanaholi hiadono yoara ma gurutika ato done o tonaka utuohi ma ngoatika itaanga de onangoo yakokiotaka.

Gegetongo 16:36

De ahao Ma Jou o Yawe ai hiaturu utuohi wihingahu o Musaika,

Gegetongo 16:49

Masara manga ngoe abe yohonengoka gea yasana ngimoi de iata de yaratuhu tumidi angamoi o hone-honenge ma panyake ma hohowono yadaene onangika de ka itodokanino de yohonenge. De nagali ona abe kanugonika yohonengoka ka ma moi de o Kora.

Himatoko 11:5

De nako o nyawa onagona dika manga hininga ato yahikangela eko yahiodiri ona yahinooto manga badangika, gea ona yahinooto ahao manga uruiha ihupu o uku de hiadono manga musu gea yatufuku hiadono yotinoka. De kiani hokogea ahao o nyawa yohonenge nako ihitaili la yahikangela yahinootoika gea.