Gegetongo 16:29 - Ma Jou ai Demo-demo o Totobelohoka

²⁹ Abe hokokia ma oraha naa de ngone hamake abe idadi de o nau-nauru naa ma titi manga dohata ngohino. Nako ona gea ahao yohonenge hoka ma titi o kia naga abe biaha genangino hiadono o nyawa yohonenge gea de ahao itaana abe Ma Jou o Yawe ko wohihidingotua ngohi naa.

Gegetongo 16:29 ပူးပေါင်းရင်းမြစ်များ

1 Kokoano 18:36

De gea adonoka ma oraha abe o wange-wangeiye o bobimaowaka de o Isiraele ma nyawa yomahuba Ma Jou o Yaweiye. Ho o Elia yomarihimanga de o Isiraele ma nyawa de ona gea una waniata wato, “Ngona Ma Jou o Yawe, o Abarahaama ai Jou, de o Isaka ai Jou, de o Isiraele ai Jou, de naa togahoko Ngona nomahimatoko o nyawa mata-mataika nenangoka la ona mata-mata inihioriki abe Ngona naa o Isiraele ma nyawa manga Jou. De Ngona nahimatoko onangika abe ngohi naa igoungu to Ngona ani gilaongo de mata-mata naa abe todiaioka, ma titi gea ngohi taniiki to Ngona ani behehongo ngohino.

1 Kokoano 22:28

Masara o Mika ka wotemoli wato, “Nako hoka ngona o parangioka de nolio de ko kia-kiaua idadi ngonaika, gea ma titi Ma Jou o Yawe ko wotemoua to ngohi ahi uruino!” De ahao ka wodogoli wato, “Ngini mata-mata koaho niongano-nganono ahi demoino naa de ufa niawohanga!”

Huhupu 20:5

Abe ngini ka ihikaika moioo de ko idadiua nimahuba eko nimaponuku o popangaoika angamoi Ngohi naa Ma Jou o Yawe ti ngini nia Jou. De Ngohi todohata o pangaoika ho gea ngini tinigoana done genangino naga inihikatingaka Ngohino. De ma titi o nyawa ihidohata Ngohino hiadono hokogea yodiai de ona gea ahao tahohowono ka hiadono manga totoforauku yolape hangeuku de yolape iatuku.

Huhupu 32:34

Ho naa Musa, noiki o Isiraele ma nyawa nahigila-gila o behehongo ma tonakika abe Ngohi tahibehehongoka. De abeika, ahi malaekata ahao ka ihikaika winihihira-hira nia dodagi ma goronaika. Masara ngaro hokogea ma, ahao naga ma oraha Ngohi tatutumu la tahohowono onangika, de gea ahao ihititi manga howono Ngohino naa.” Hokogea Ma Jou wihibehehongo o Musaika.

Himatoko 11:5

De nako o nyawa onagona dika manga hininga ato yahikangela eko yahiodiri ona yahinooto manga badangika, gea ona yahinooto ahao manga uruiha ihupu o uku de hiadono manga musu gea yatufuku hiadono yotinoka. De kiani hokogea ahao o nyawa yohonenge nako ihitaili la yahikangela yahinootoika gea.