Gegetongo 16:2 - Ma Jou ai Demo-demo o Totobelohoka

² Naa o Kora de ona yahange gea iwihidee la ato o Musa iwihiguti la ibootohi wahihira-hira o Isiraele ma nyawaika. Ho yahigaro o Isiraele ma nyawa manga dimo-dimonika la onangoo manga hininga yaturuuru ka hiadono naga yaratuhu hinooto de yamoritoa manga dimo-dimono abe o Kora iwiniiki. Abe onangoo ato kiani o Musa iwituruuru la ato o nyawa ma hungioli wahipareta.

Gegetongo 16:2 ပူးပေါင်းရင်းမြစ်များ

Dodadi 6:4

De ona abe yahiromanga Ma Jou ai ngofa-ngofaka ahao yomakitigi de manga fekata abe yomangirikoka onagonaino dika iti yorahai, de to onangoo manga ngofa-ngofaka yomamake. De ma oraha to ona manga ngofaka gea yobalu-baluhiyeoka de duru ko yohawa-hawanua hiadono o nyawa utu yahiade-ade yahikurutiye ma titi duru yonauru ho duru yotomoroini. De ona gea yahiromangoli o Nefilimi ma nyawa. De ngaro o nguihi ipahaka ma naga o nyawa utuoli abe ahao onangoo yahiromanga o Nefilimi ma nyawa.

Gegetongo 12:1

Ma oraha o Isiraele ma nyawa gea yogogerohi o Haseroto de o Musa ai riaka o Harunu de ngoi firanga o ngo Miriama iwihiade-ade o Musa ma titi una womale ngoi fekata o Kusi ma nyawaino masara manga hininga kuranga unangika duru ihititi manga daleana o Musaika mangale ai kuaha ilamoko.

Gegetongo 16:35

Masara ona yaratuhu hinooto de yamoritoa gea abe iwinii-niiki o Kora ko yoarua yomahikabarihi ho ona nagahi manga dingiioka de itodokanino nagali o uku Ma Jou o Yaweoka de aino! De o uku gea duru ka itodokanino itokara ma amokika de yakokiuku ka ma moi o nau-nauru yaratuhu hinooto de yamoritoa gea abe yomahihuba manga manyanyi, gea ona mata-mata Ma Jou wakokitufukoka.

Gegetongo 27:3

“Ma dihiraino to ngomi mia baba wohonenge o tonaka ma kakaahaka masara ko iwa ai ngofaka o nauru. De una ko waniikua o Kora ai nyawa abe ona duru iwilawana Ma Jou o Yaweika. Ho ngaro ko waniikua ona gea masara igoungu unangoo o howono ma nyawa, de gea ma titi hiadono una wopahaka.