Gegetongo 15:40 - Ma Jou ai Demo-demo o Totobelohoka

⁴⁰ Masara ma hohininga gea nia bajuoka ka idadi iniduhunu la niohohininga ahi pareta ma demo de naga nia hingounu enangika hiadono nia wowango itebini Ngohi nia Jou ahi himangoka.

Gegetongo 15:40 ပူးပေါင်းရင်းမြစ်များ

Higiriiri 103:18

Iti onangoo ka ihikaika duru yaniiki to Una ai behehongo. De ona yahingounu to Una ai behehongo mata-mataika.

Gegetongo 15:41

Angamoi Ngohi naa nia Jou o Yawe abe tinihihupu o Mesiiri ma tonakino la ka idadi nimahijou Ngohino dika. De hokogea Ngohi nia Jou o Yawe tinihuloko ngini mata-mataika.’”

Roma 12:1

Ahi gogianongoru, mangale ma titi Ma Jou ai hininga ma dora gea abe kohaamoko ngoneuku, ho naa ngohi duru tinihigaro nginika la nia badanga homoi-homoi nimahidoaka Ma Jouika la niwango ka Unangika dika. Abe ngini nia badanga nimahidadi hoka o huhuba moi Unangika, de gea ufa hoka o huhuba abe ihonengoka masara abe ka iwangohi la nia wowangoino de ka idadi niwihisanangi Unangika. Ho nia wowangoino gea de kiani niwango nitebini to Una ai himangoka la nia huhuba abe nia wowangoino, gea ka idadi duru iwihisanangi Unangika. De abe nia wowango nimahidoaka Unangika, gea duru niataana abe hokokia itiai ngone ai nyawa hileleani de homahuba-huba Unangika.

Efesusu 1:4

Ho naa tonahihohininga ma titi ai hidoaka ma owa duru ma hohailoa abe Ma Jou wonahidoakoka. De abe ai owa ihira-hira, duru ma dodihiraka abe o dunia naa ko wotulaadauahi de Una wonairikoka ngone abe ahao hingaku Unangika la ahao hodadi to Una ma hirete ai nyawa duru ma hohailoa. Abe Una wonahideeoka wato womadingaka ngone mata-mata la homakohowono de o nyawa utu. De gea ihititi ai hininga ma doraka ngoneino ho hiadono wonahidadi la ngone hotebi-tebini de ko iwaka nanga howono to Una ai himangoka.

Kolose 1:2

Ho imihinooto o hurata naa mihidingoto nginika abe Ma Jou ai nyawaika o Kolose ma kapongoka, abe ngini nimanoa o Kristusoka de ka ihikaika o Yesusu Kristusu ai mau nianiiki. Ngohi naa tinigahoko Ma Jou nanga Babaiye la ai owa de ai hininga ma miriidi winihidoaka nginika.

1 Tesalonika 4:7

Abe Ma Jou wonaahoko ngone ko ma titiua la nanga wowangoka homahipeseke, masara wonaahoko la to Una ai himangoka nanga wowango itebinoka.