Gegetongo 14:42 - Ma Jou ai Demo-demo o Totobelohoka

⁴² Ufa niwohama genangika! Ngini ko niwihingounua Ma Jou ho ma oraha naa ko idadiokauali niwohama. Nako bootino niaika de nanga musu o tonakoka gea ahao inikokitoma angamoi Ma Jou o Yawe ko wininiikokaua ma oraha niwohama.

Gegetongo 14:42 ပူးပေါင်းရင်းမြစ်များ

Gegetongo 14:43

Abe ka de niaparangi hiadono niahimanga o Amaleke ma nyawa de o Kanani ma nyawa de ona ahao duru initetoruku. Ngini naa niwiporetika Ma Jou o Yaweika ho Unangoo wininoaika dika ma oraha niaparangi onangika.” Hokogea o Musa ai hitiari de ma buturungu o Isiraele ma nyawaika.

Higalioli 1:42

“Masara ma oraha gea de Ma Jou wohitemo ngohino wato, ‘Kiani ngona o Musa nahitiari onangika la ufa yoiki yaparangi manga musuika angamoi Ngohi ko tanii-niikua genangika ho ahao manga musu yolaku de duru yahikala o Isiraele ma nyawaika.’

Higalioli 31:17

De ma oraha gea ahao ahi ngamo duru ifae ma amokiye ho hiadono Ngohi ka taporete dika onangika de tanoaika, de ma bahauku de ona o bobinaaha yadaene onanguku. Abe manga kokangela de manga huha ma ngoe ahao yaohana hiadono yomakoketemo manga dodiawoika ato, ‘Boteua nanga kokangela naa inadaene mangale ma titi nanga Jou wonanoaika ho ko iwiwaka nanga hidogoronaka!’

Yosua 7:12

Ho gea ma titi hiadono o Isiraele ma nyawa ko idadiokaua yolaku de ka manga musuohi yoputurungu ka hiadono nia tentara yodohuku de yoara de hiadono utu yohonenge. De gea ma titi ani nyawa utu ihilawana Ngohino hiadono ngini mata-mataika ka idadi o bobinaaha inidaene. Ngini kiani ma kiahonanga gea nihibinaahakahi abe naga nia hidogoronaka imanoa de ahao ka idadi Ngohi tininiiki hoka ma dihirali de tiniduhunu.” Hokogea Ma Jou wihingahu o Yosuaika.

Yosua 7:8

Ahi Baluhu, Ma Jou o Yawe, o kia naga abe ngohi ka idadi tomidemo? Angamoi ngomi o Isiraele ma nyawa miloaroka o Ai ma nyawa manga himangoka.

Hihira 16:20

Hokogea mihikangela de ahao mopoaka mato, “Simsono, o Filistina ma nyawa naa yoboainoli la initaoko!” De una womomiki ai giookino de doka ai hiningaka wofikiri wato, “Ngohi ahao tomaduhunu la tomahihupu manga giamino imaketero hoka ma dihiraino.” Hokogea ai hininga o Simsono masara una ko womagakunua womaduhunu angamoi Ma Jou o Yawe winoaikaka.