Gegetongo 14:31 - Ma Jou ai Demo-demo o Totobelohoka

³¹ De ahao Ma Jou wogila-gila de ai demo o Isiraele ma nyawaika abe o Musa de o Harunu kiani yadofanga onangika, wato, “De ngini nihitae niato done Ngohi tahigunoa la ti ngini nia ngofa-ngofaka ahao yodadi nia musu manga parangi ma hasilino de yao la yahidadi manga huhuloko. Hokogea ngini niato ona yowohama o tonakika gea de manga kangela. De naa Ngohi tinihingahu, ona igoungu ahao yowohama o Kanani ma tonaka masara Ngohi ahao nia ngofa-ngofaka gea tahingohama de tahigogere de manga sanangi ma tonakoka gea abe ngini niaoluku.

Gegetongo 14:31 ပူးပေါင်းရင်းမြစ်များ

Dodadi 25:34

Ho gea wihibehehongo ibooto de ahao o Yakubu ai bosi de o roti wihidoaka o Esauika. Ho gea o Esau wolomo ibooto de o akere wokere ibooto de ka dau de womaokoiye de wosoboka. Hokogea o Esau ai hininga abe ko womalegaikaua ai oarika, abe kiani o riaka yamake ma oraha manga baba wohonenge, gea ko wopusingua.

Higiriiri 106:24

De ma oraha ona nagau o behehongo ma tonaka ma batingoka, De ona ko yomahinganonua Ma Jou ai buturungika de yoluku yowohama, Abe manga ngongaku ai behehongika ko yagou-goungua ho ka yoluku dika, Ona ko yowohamua angamoi yomafikiri Ma Jou ko wakunua wapaliara.

Sosawaro 1:25

Abe ahi hiowa ma demoika niaoluku de ahi dodaere ma demo nginika enangoo ma ko niogihenua.

Sosawaro 1:30

De gea yomahitaana abe ko iwa manga horomati Unangika angamoi o hiowa ma demoika yaoluku de ngaro o dodaere ma demo onangika naga ma, enangoo ko yodafongua.

Gegetongo 14:3

Ho adodoa ho Ma Jou o Yawe womihiboa o tonakino naa? Gea woigo la womihohonenge dika o parangi ma goronaka, eko sarakia Musa? Done ahao nanga musu yolaku de yataoko to ngone nanga feka-fekata de nanga ngofa-ngofaka ato ona yodadioka to ona manga parangi ma hasilino ho yao de yahidadi manga huhuloko! Ho naa, Musa, ibootoka! Kiani ngone holio dika nanga poretika ka hiadono o Mesiiri ma tonakika homahiadonoka!” Hokogea manga gurubungu ma demo o Musa de o Harunika.

Matiusu 22:5

“De ai huhuloko yaniiki itiai ma koano ai demo onangika gea, masara ona ka yolukohi ho ko yoboaua. Abe utu yomahiaka ato naga manga karajaanga kiani yodiai, ho utu yoiki bari yokarajaanga manga redika de utuoli manga tokoika yoiki la bari yofuku-fukunu genangoka.

Hidingoto 13:41

‘Ngini abe nihihohedu Ngohino de ka nioluku ahi demoika, Ngini ahao duru niheranga abe ma oraha niamake ahi datoro abe ahao todiai, Abe ma oraha gea adonoka de ngini niheranga de ahao nihonenge! Angamoi ma oraha ngini ka niwangohi de Ngohi tinihikangela de o kangela duru ma amoko, Abe ngaro o nyawa inihingahuohi ma titi ma kangela hokokia ahao idadi nginika, Masara ngini duru ko niongakua to ona manga demoika!’” De hokogea o Paulusu wahitiari la wato ufa yoluku o Abari ma Rorahaiika angamoi ma abari gea ka idadi inaduhunu nanga howo-howonino.

Higalioli 1:39

Ho Ngohi ahao tahidoaka ma tonaka ti ngini nia ngofa-ngofakika abe ma oraha naa ona ko idadiuahi ihikohowono ma rorahai de ma dodorou. Abe ngini ma dodihiraka de niato bote nia ngofa-ngofaka gea o homoa ma nyawa yataokino ho yohonenge dika. Masara abeika Ngohi tato nia ngofa-ngofaka gea abe ahao yamake ma tonaka to Ngohi ahi giamino.

Yosua 5:7

Ho abe ona yohone-honengoka o tonaka ma kakaahaka to ona manga ngofa-ngofaka Ma Jou o Yawe wapaliara la ona yaturuuru manga dimo-dimono ho naa ona o Yosua wahuna. Abe ma oraha manga dodagiokahi de ona ko yomahunauahi, ho ma tonakino yowohama ipaha de ahao ona yakokihuna.