Gegetongo 14:27 - Ma Jou ai Demo-demo o Totobelohoka

²⁷ “Abeika manga dorou o nyawa manga doomu ma amoko naa abe ona ka ihikaika ihihigurubungu Ngohi. Hokokiahi ma dekana manga lawanino tomatongohono? Ona marai yafikiri Ngohi Ma Jou ko toihenua manga gogurubungu ma demo masara ko moiua o Isiraele ma nyawa manga demo abe Ngohi ko toihenua.

Gegetongo 14:27 ပူးပေါင်းရင်းမြစ်များ

Huhupu 16:12

“Musa, Ngohi toihenoka o Isiraele ai totoforauku manga gurubungu ma demo gea. Ho naa ngona nahingahu onangika ahi demo naa, nato, ‘Ngini bootino o wange ilobioka de ahao niamake o roehe de gea ena ka idadi niaolomo. De ahao itebini o ngoru-ngoruminoli niamake o roti abe ka idadi niaolomo hiadono ka idadi inikokipunuhoka. Hokogea Ngohi Ma Jou tomahitaana nginika abe Ngohi naa Ma Jou o Yawe ti ngini nia Jou.’ Ho ngona Musa kiani ahi demo gea nahingahu onangika.”

Huhupu 16:28

De ahao Ma Jou o Yawe wileha o Musaika wato, “Hokokia ma dekanohi ngini nioluku nianiiki ahi pareta de hiadono ahi hiaturu gea ko nihingounua?

Huhupu 16:7

De ahao o ngorumino de ngini niakokimake Ma Jou o Yawe ai medebini ma dararono abe wonahimatoko ngoneino. Ngini nimihigurubungu ngomino masara ngini o wange naa nenangoka ko ma titiua ngomioka de aino. Ho igoungu nia gurubungu ma demo ma dumutu Ma Jou o Yaweika angamoi gea Una winiao nenangino de nia gurubungu ma demo gea woihene.

Huhupu 16:9

De ahao o Musa wihingahu o Harunika wato, “Ngona naa kiani nahitararono ona mata-mataika abe iwihigurubungu Ma Jou o Yaweika. Ho naa nahuloko la ona yomatoomuino yomariidi Ma Jou o Yawe ai himangoka angamoi woihenoka manga gurubungu ma demo.” Hokogea wihibehehongo ho o Harunu wodiai.

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 14:11

De Ma Jou o Yawe witemo o Musaika wato, “Abeika ona naa hoka ihiemono Ngohino hiadono duru ko ihihigihenua e? Kohangoe ahi heheranga todiai manga himangoka masara ko ihingakuahi Ngohino. Done sarakia ma dekanohi hokonaa manga lawana?

Gegetongo 14:26

De ahao Ma Jou o Yawe wahitararono o Musa de o Harunika abe o Isiraele ma nyawa manga gurubungu ma demo gea ahao wapake onangika, wato,

Matiusu 17:7

De ahao o Yesusu woboa onangino de waso de wotemo onangika wato, “Nimomikoka, de ibootohi nihawana.”

Maruku 9:19

De ahao o Yesusu wataere onangika wato, “Adoo, ngini naa totokia? Ka muruonoka de ahao ngini naga de nia ngongakuoka Ngohino? De hokokiahi ma dekana abe Ngohi de ngini homahidogogere moi la hiadono ngini niakunu nimaaduru hoka to Ngohioli ahi datoro? Ho ibooto. Ai ngofaka gea niwiaoino Ngohino!”

1 Korintusu 10:10

De ufa ngone hihidemo abe imaketero hoka ona gea utu ma dihira iwihidemo, de ona gea Ma Jou wahibinaaha de ai malaekata womatengo abe iwihiromanga o hone-honenge ma malaekata.