Gegetongo 14:20 - Ma Jou ai Demo-demo o Totobelohoka

²⁰ De ahao Ma Jou o Yawe wihingahu o Musaika wato, “Ona gea manga howono abe Ngohino gea Ngohi taapongoka hoka ngona nogahokoka.

Gegetongo 14:20 ပူးပေါင်းရင်းမြစ်များ

Higiriiri 106:23

Ho ma titi Ma Jou iwiporetoka hiadono Una wahidee wato ona wahibinaaha, Masara o Musa abe Ma Jou wiirikoka duru ai nyawa waademo Ma Jouika, Nako o Musa ko wodadiua manga hidemo Ma Jou o Yaweika ona yokokihonenge, Masara una duru wagahoko hiadono Ma Jou ai ngamo wohiriidi.

Huhupu 32:14

O Musa hokogea ona wademo Ma Jouika la Una wahiapongo. Ho Ma Jou o Yawe ai hininga waturuuru ho ngaro wato wahibinaaha masara naa, ko wahibinaahauali ai nyawa gea.

Huhupu 8:9

De o Musa wipaluhu wato, “Ahi koano, ngohi tosanangi ngona noigo la tininiata ahi Jouiye ho ngona nohihingahu dika ma oraha abe ngona noigo tinigahoko o duduhunu. De ngohi tinigahoko ngona de ani nyawa abe iniduhu-duhunu hiadono ani kokawaahauku tinigahoko o duduhunu la ma aewani gea winihitingakoka hiadono nginioka o popaa ko iwaka de ma hou abe iwangohi gea ena dika abe naga o Nili ma akerokahi.” Hokogea o Musa wihibehehongo o Firaunika.

Yeremia 31:2

Ma Jou o Yawe wotemo wato, “O Isiraele ma nyawa abe ko yoboditoua ma oraha manga musu yaparangi onangika, ona gea ahao yamake ma rorahai o tonaka ma kakaahaka. De nagali ahao yamake o hiaini manga dodagino.

Yakobusu 5:16

Ho mangale ma titi nanga Baluhu idodutu ka idadi wonahitogumu nanga popanyakeino de ka idadioo wonahiapongo nanga howono ma titi nanga niniatino, ho duru tinihigaro nginika la nia howo-howono nimangaku nia gogianongoruika de nimakokagahoko Ma Jouiye la ngaro nia kangela nia bada-badangoka eko ngaro nia gogao Unangika itoakoka, ma gea mata-mataika de Una ka idadi winihitogumu genangino. Angamoi nako womatengo wataana de Ma Jou ai mau, to una gea ai gogahoko naga duru de ma kuahaka angamoi Ma Jou ahao wihigihene unangika de hiadono wohingodumu ai gogahokino gea.