Gegetongo 14:14 - Ma Jou ai Demo-demo o Totobelohoka

¹⁴ Ho ka de o Mesiiri ma nyawa gea yoihene abe ani nyawa yokokihonenge o tonaka ma kakaahaka naa de ahao ma titi gea onangoli yaade-ade o nyawa mata-mataika. De nako ani nyawa nahohonenge de nenangoka ma nyawa onangoo yoihene de ahao manga hawana ko iwaka Ngonaika. De o tonaka naa ma amokika ona mata-mata inihiorikoka abe Ngona Ma Jou o Yawe. De ona inihiorikoo abe Ngona nomahimatoko ngomino ka hiadono ma moiokau Ngona Ma Jou o Yawe homarihimanga de ngomi ani nyawa. Ona ihioriki abe Ngona naga o Isiraele ma nyawa manga doomu ma himangoka nahihira-hira manga ngekomoka ngaro o wange-wange de ngaro o futu-futu. Abe o lobi ma lou gea naga o wange-wangeiye de nako o futu-futu idadi hoka o uku ma liate la ka ihikaika nahihira-hira ani nyawa.

Gegetongo 14:14 ပူးပေါင်းရင်းမြစ်များ

Dodadi 32:30

De ahao o Yakubu wato, “Ma ngi naa tohiromanga, ‘Ma Jou ai Himanga’ angamoi abeika, ngohi naa de Ma Jou mimarihimanga de ngaro hokogea masara ngohi ka towangohi!” O hiromanga Ma Jou ai Himanga, nako to ona manga demo, gea “o Penuele.”

Higiriiri 105:39

De o Isiraele ma nyawa manga dodagi ma goronaka naga o lobi moi, De Ma Jou o Yawe ai lobi gea hoka o dadamunu abe wawoata manga lokuino, De wahidoaka onangika o uku ma dokara ikurutiye abe yahitararono o futu-futuoka.

Huhupu 15:14

O nyawa ahao yaade-ade abe o heheranga nodiaioka, Hiadono o nyawa manga dutu mata-mataika ahao yoihene, Ka de yoihene gea Ngona nodiaioka de ona yofafara, Ho yalufungoka o hawana ma dorou o Filistina ma nyawaoo.

Huhupu 33:11

De doka ma goronaka Ma Jou o Yawe witemo o Musaika yomarihimanga imaketero o nyawa abe duru yomaketedodiawo yomakoketemo. Gea yomakoketemo ibooto de ahao o Musa wolio manga dodogumu ma ngi ma goronaika. Masara o Musa ai duduhunu o Yosua, abe una gea o Nuunu ai ngofaka, una ko wolioua. Ho una ka ihikaika genangoka dika womagoo-gogere abe ko wanoaua o tau o ngoerino abe genangoka o Musa de Ma Jou yomakamake.

Huhupu 33:16

Abe done sarakia o homoa ma nyawa imihioriki ngomi, abe ngohi de ani nyawa naa, minihisanangi nako Ngona ko nominiikua? Abeika, Ngona nomihidadi to Ngona ani nyawa ho mimakohowono de o dunia ma nyawa utu mata-mataika. Masara nako Ngona ko nominiikua de done hokokia o nyawa imimake de imihikohowono de ona?” Hokogea o Musa waademo ona mata-mataika.

Huhupu 40:38

Ho ngaro o Isiraele ma nyawa yotagi-tagi ko manga dekanino masara Ma Jou o Yawe ai lobi ma lou gea ka ihikaika yamake Ma Jou ai Tau o Ngoerino ma lokuoka. De nako o futu-futu o lobi ma lou ma goronaka idadi hoka o uku ihololomiye, ho ka ihikaika ona mata-mata ka idadi yomalega genangika de yamake ma dodunguu gea abe iwihitaana Ma Jou ai gogere onangoka. O lobi ma lou gea Ma Jou ai dodunguu de gea ma rupa ma bobululunu abe daku de auku iuti de ma lobi gea Ma Jou wapake la ai dararono wohihawo. De Una ahao wapake gea ena la ka ihikaika o Isiraele ma nyawa wahihira-hira manga ngekomika ma oraha yotagi. Abe ka de o lobi ma lou gea imulaenge imalage de gea ona ihiorikoka kiani yosoboli de gea ena yaniiki de nako imatogumu gea onangoo yomatogumu de manga tau ihigokokali o ngoerino.

Gegetongo 10:34

De gea ka idadi angamoi Ma Jou o Yawe ka ihikaika naga onangoka abe o wange-wangeiye ka de yotagioli de to Una ai lobi ma lou enangoo itagi manga lokuino yaniiki.

Gegetongo 12:8

De duru waniiki ahi mau hiadono ka idadi Ngohi de o Musa mimarihimanga mimakoketemo. Ho Ngohi ngaro ufa titemo unangika de o hidulu ma demo hiadono ahi demo ma titi kiani womalingiri, masara nako o Musa una ka idadi tihiree-reeika tomahingahu ahi hininga unangika. De ka una womatengo dika abe wohimakeoka to Ngohi ahi rupa. Ho done sarakia de ngini ka idadi niwihiade-ade de inimoroini?”

Yohanese 1:18

De Ma Jou, Una gea o nyawa ko ma moiuahi iwimake ai rupa. Masara naga Ma Jou o Ngofaka ka womatengo dika de ai hininga duru adaene Unangika abe ona yomatoteroino. De ai Ngofaka Una wonahimatoko ngoneino Ma Jou ai hininga la hiadono ka idadi duru hihioriki.

Yohanese 14:9

De o Yesusu wipaluhu unangika wato, “Filipusu, naa ma dekanino homakokiniiki de mode ko nohihiorikuahi? Angamoi onagona dika ihimakeoka Ngohi, gea ahi Babaoo iwimakeokau. Ho adodoa ho nogahoko Ngohino hokogea nato, ‘Nomihimatoko Ma Jou o Baba’?

1 Korintusu 13:12

Abe ma oraha naa nanga hiningaka ikurangohi itararono hataoko to Una ai hininga, gea ngade-ngade imaketero hoka ngone holegaika o kahinaaika, masara ma kahinaa hoka ikafoka de ko ingodumua hamake nanga gurumini. Hokogenangoo de ma oraha naa abe ngone hamake Ma Jou ai hininga ma ko ingodumuahi. Masara ahao ma oraha gea ko hokogenangokaua. Angamoi genangoka de ahao duru himake itararono Ma Jou, abe gea imaketero hoka homarihimanga ngone de Una, de duru ko iwaka abe ikuranga itararono ngoneino. Ho ma oraha naa naga ahi tobahioriki igoungu ka ma dobikohi dika, masara genangoka de ahao ahi tobahioriki duru ingodumoka, abe imaketero hoka Ma Jou ai tobahioriki ngohino duru ingodu-ngodumoka. De mangale ma titi ahi tobahioriki ahao gea de duru ingodumoka, ho ma hiakunu gea ko topereluokaua.

Higalioli 1:19

De ahao o Musa wogila-gila woade-ade wahihohininga o Isiraele ma nyawaika wato, “Ma dihiraino nanga Jou, Ma Jou o Yawe, Una wohiaturu nanga dekana ngone hogogere o Sinai ma loku ma timiuku de ahao wonahingahu kiani hogila-gila o Kanani ma tonakika. Ho gea nanga dodagi ma goronaka de nanga dumutu o loku-lokuika abe genangoka naga o Amori ma nyawa yogogere. De angamoi o tonaka ma kakaahaka gea duru kohaamokika ho hiadono o kangela de o hawana kohangoe inadaene. Masara Ma Jou wonahihira-hira ka hiadono homahiadono o Kadese-Baranea ma ngioka.

Higalioli 34:10

De ngaro ma dihira de ka hiadono ma oraha naa de ko moiua Ma Jou ai uru ma dodofanga utu o Isiraele ma nyawa manga hidogoronaka abe to ona manga gogao Ma Jou o Yaweika hoka o Musali. Abe Ma Jou o Yawe de o Musa yomarihimanga de yomakoketemo.

Yosua 5:1

Ho ka de o Amori ma nyawa manga koano mata-mataika yoihene o akere ka idadi idudungu ma ade-ade abe hokokia Ma Jou o Yawe wohidudungu o Yorodani ma akere de duru yohawana. Yoihene hokogea Ma Jou wodiai la waduhunu o Isiraele ma nyawa ma oraha yomahihora to ona manga honongaino ho duru manga modongo ilamoko o Isiraele ma nyawaika hiadono yofafara. De hokogenangoo o nyawa manga kokoano mata-mataika abe yogogere o Kanani ma tonakoka yamodongo ka hiadono onangoo abe yogogere dai o gahi ma ngigorino. Ho ona mata-mataika ko iwa manga domoroini la ka idadi yahimanga o Isiraele ma nyawaika la yalawana.

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.