Gegetongo 11:31 - Ma Jou ai Demo-demo o Totobelohoka

³¹ De naa Ma Jou wohiboa o hidaloko dai o gahiha de iwuwu de ma buturungu. De o hidaloko gea ihihaili o totaleo o puyu duru kohangoe la hiadono iboaiha o Isiraele ma nyawa manga doomu ma ngiiha. De o totaleo gea ngaro ihoho masara ma gurutiye o metere moiiye dika de genangiha yakaiha hiadono duru yahioluiha hiadono yakokitamunu manga dodogumu ma ngiuku. De o puyu gea ihua ma gurutika hiadono manga ngi arihononga hoka o nyawa manga dodagi o wange moi ma gurutika abe genangoka aika ihuaika. Hokogea o Isiraele ma nyawa yahioluino de o totaleo o puyu gea.

Gegetongo 11:31 ပူးပေါင်းရင်းမြစ်များ

Higiriiri 105:40

De ona yomagahoko o roehe de Ma Jou wahiolomo de o totaleo o puyu, De ka ihikaika wahidailako o roti o mana o Horogaino hiadono yapunuhoka.

Higiriiri 106:15

Ho de ahao Una wahidoaka onangika o kia dika yomagahoko, Masara manga gogahoko gea wahidoaka ka ma moi de o panyake.

Huhupu 10:13

Ho gea o Musa wagoraka ai tutukunu de o Mesiiri ma tonaka ma amokika wohibairi de gea Ma Jou wodiai la italoko o wange ma hiwariha de italoko o wange moi hiadono ngade-ngade itebini la waoino o kabotara abe o hidaloko gea aniikino de hokogea Ma Jou wohiboaino o kabotara duru kohangoe.

Huhupu 10:19

De Ma Jou o Yawe wihigihene ho wodiai la ma hidaloko ihidoduruino italoko. Ho abe ma dodihiraka italoko de ma kabotara gea yaoino, masara naa italokoli la ma kabotara ihigilioli ma poretika. De kohabuturungu italoko hiadono o kabotara mata-mataika yakokiaoka o gahioko. O gahi gea ihiromanga o Bongo-bongo ma gahi. De ma kabotara genangoko yao de yakokilutuoka hiadono moioo de ko iwaka o Mesiiri ma tonakoka.

Huhupu 15:10

De ahao Ngona Ma Jou nawuwu de ani hidaloko, De ma gahi gea imaketegilioli ho yahidatamunu de o gahi. Nanga musu yalutu hoka o horioli manga hiapotuku, O gahi duru de ma buturungoka de ona naga ma goronaka.”

Huhupu 16:13

Ho ipahaino abe ma wange ilobioka de naga o totaleo, ma romanga o puyu, duru kohangoe iboaino hiadono ka yaderefeuku o Isiraele manga tau-tauino mata-mataika ho ka hiadono akokitamunoka de o totaleo gea. De ma ngoru-ngorumino naga o gagini yodiriiuku o tonaka ma lokuoka.

Gegetongo 11:30

Gea ibooto de ahao o Musa de o Isiraele ma nyawa manga dimo-dimono gea yokokilio manga tau-tauika.