Gegetongo 10:28 - Ma Jou ai Demo-demo o Totobelohoka

²⁸ Ho ngaro hokokiahi ma dekanino o Isiraele ma nyawa yotagi-tagi de hokogea manga dodagi ma datoro ma hiaturu abe manga dodoomu yoturu de yohira ma oraha yomakiniiki yotagi-tagi.

Gegetongo 10:28 ပူးပေါင်းရင်းမြစ်များ

Gegetongo 10:27

De ahao duru ma bahaika manga doomu o Nafatali ma nyawa yototuruika yosobo de to ona manga hihira ai romanga o Ahira abe o Enana ai ngofaka. De gea manga doomu ma baha abe ko iwaka manga poretino.

Gegetongo 10:29

De ma oraha gea yomahidiai manga dodogumu ma ngi yanoa abe o Sinai ma loku ma timiuku gea, de o Musa ai geri o Hobaba wogogere onangoka, una o Midiana ma nyawa abe o Musa ai toroa o Rehuele ai ngofaka. De o Musa wihigaro ai geri o Hobabika gea la unangoo waniiki. Ho wihingahu o Hobabika, wato, “Geri, ngomi naa miloiki o behehongo ma tonakika abe Ma Jou o Yawe womihibehehongoka o Isiraele ma nyawaino wato ma tonaka gea womihidoaka ngomino. Ho irahai nako ngonaoo nominiiki! De nako ngona nomodeke nominiiki de ngomi miniao duru irahai hiadono ngonaoo namake ma owa angamoi Ma Jou o Yawe ai behehongo ma ngoe ngomino abe wato womihiowa ngomi o Isiraele ma nyawaika.”

1 Korintusu 14:33

Angamoi ko Ma Jou ai mauua la hiadono to Una ai nyawa yomaketeloliliara, masara to Una ai mau la mata-mata itatoro itiai de iriidi. Hokonaa ma hiaturu abe ilaku Ma Jou ai gogareja mata-mataika.

1 Korintusu 14:40

Masara iti ma oraha ngini nimatoomuino o garejaka de o kia dika mata-mata abe nidiai, gea iti itatoro itiai la hiadono iriidi.

Kolose 2:5

Angamoi ngaro ngohi naa ahi badanga ko iwa nginioka ma oraha naa, masara to ngohi ahi hininga naga nia hidogoronaka. De ngohi togarago ma titi tamakeoka abe ngini nimaketerimoi de nimahikokaaturu itiai, de abe nia ngongaku o Kristusika duru imahikeketika hiadono ko ikelu-kelua. Ho ahi hiningaka tomatemo tato, iti abe ti ngini nia ngongaku iputurungu o Kristusoka hiadono ko idadiua inihirehene Unangino. Abe hokogea ma titi hiadono naa tinihitiari.