Galatia 3:7 - Ma Jou ai Demo-demo o Totobelohoka

⁷ De genangino itararonoka de kiani hohioriki abe ngone onagona dika de nanga ngongakuoka Ma Jouika, gea to ngone nanga ngongaku Unangika imaketero dika de hoka o Abarahaamoli ai ngongaku Unangika, ho ka idadi inahiromanga ato ngone o Abarahaama ai ngofa-ngofaka idodutu abe ma titi nanga ngongakuino. Ho gea Ma Jou wonadafongo ngoneoo abe imaketero hoka ma dihiraino Una widafongo nanga tofora o ngongakuino o Abarahaama.

Galatia 3:7 ပူးပေါင်းရင်းမြစ်များ

Lukasa 19:9

Ho ka de o Sakeusu ai demo gea woihene de o Yesusu wotemo wato, “O wange naa Ma Jou ai duduhunu iboaka o tauino naa, angamoi itararono o Sakeusu ai demoino abe una wodadioka o Abarahaama ai ngofaka ma gou-goungu. Abe ma titi una wingaku Ma Jouika imaketero hoka ma dodihiraka nanga tofora o Abarahaama wingaku Unangika.

Lukasa 21:31

De gea imaketero hoka o kangela ma dodunguu mata-mata abe tinihingahuokau kangano. Nako ma dodunguu gea hiadono niamake idadioka, gea ka idadi nimatemo niato, ‘O, marai duru itigioka ai gahe abe Ma Jou wahikoano ai nyawaika.’

Yohanese 8:39

De ona yopaluhu ato, “To ngomi mia baba gea o Abarahaama.” De o Yesusu wato, “Nako ngini nimahiromanga o Abarahaama ai ngofa-ngofaka, gea ahao ti ngini nia datoroo imaketero hoka o Abarahaamoli ai datoro.

Roma 4:24

masara nagaoo to ena ma hidumutu ngoneinoo. Abe ma demo gea duru inahigaro ngoneino la ka idadi hohioriki abe ngoneoo ahao Ma Jou wonaetongo wato ngone duru hototiai to Una ai himangoka, de gea wonadafongo angamoi ngoneoo hingaku Ma Jouika abe imaketero hoka o Abarahaamoli ai ngongaku Unangika. De gea ngone hingaku Unangika abe Una wihimomikoka nanga Baluhu idodutu o Yesusu ai honengino.

Galatia 3:9

De ma owa gea o Abarahaama wamake de gea ma titi unangoo o ngongaku ma nyawa. Ho gea ngone onagona dika abe hongaku-ngakuoka Ma Jouika, gea ngone hakokimake ma owa moi abe hoka ma dodihirainohi o Abarahaamoli wamakeoka ma titi Ma Jou wonasanangi ngoneino.

Galatia 6:16

De naa ahi demo ma dumutu ka nginikaua dika abe ngini ko o Yahudi ma nyawaikaua, masara naa tinihidumutu nginikaoo abe o Yahudi ma nyawa abe ngini niagou-goungu nidadioka to Ma Jou ai nyawa idodutu. De hokonaa ahi demo. De ngini onagona dika abe nia wowangoka de nianiiki de ahi behehongo gea ma demo nginika, de gea ngini ahao niamake ai hininga ma miriidi de ai hininga ma dora Unangino.

Ibarani 13:23

De naa moi ngohi tinihingahu nginika la ka idadi nihioriki abe ma titi nanga gianongoru o Timotiusu. Abe una gea ma duruika de iwihihupuoka o bui ma tauoka de aino. Ho ka de una woboa ngohino de ahao ngohi de una miloiki mimakiniiki la minitutumu ngini genangoka.