Filiipi 2:27 - Ma Jou ai Demo-demo o Totobelohoka

²⁷ De igoungu ma oraha gea una duru wokangela hiadono ngade-ngade wohonenge, masara Ma Jou womihimatoko ai dora ngomino ho hiadono wihimomiki una la ko wohonengua, done ngohi naa ihilutu de ahi hininga ma huha.

Filiipi 2:27 ပူးပေါင်းရင်းမြစ်များ

Higiriiri 34:19

De igoungu ngaro o nyawa manga wowango yao itiai, Ona yaohana o kokangela irupa-rupa ma ngoe, Masara Ma Jou o Yawe naga onangoka de Una wolaku-laku mata-mataika, Ho manga kangela homoi-homoiino Una wahihupu.

Habaku 3:2

De hokonaa o Habaku ai niniata ma demo. Abe una womagahoko wato, “Ahi Jou o Yawe, ngohi naa toihenoka ma titi to Ngona ani datoro ma rorahai abe ma dihiraino nodiai. De gea toihenino de duru ahi hininga aomanga de o higiriiri Ngonaika. De ma oraha naa, mia Jou, ngomi duru miperelu to Ngona dika ani duduhunu, ho ngomi duru mimagahoko la ani datoro gea nohigalioli la ka idadi nomiduhunu mia kangelaino naa. De igoungu abe ma oraha naa marai Ngona nomingamo ngomino. Masara duru mimagahoko la ma oraha nomidotoko de nagali ani hininga ma dora ma hiokoo abe ka idadi napake ngomino!”

Hidingoto 9:37

De ipahaino muna mopanyakeuku hiadono mohonenge. De ami dodiawo imihidiai ami honenge la ka idadi imilungunu de ahao imikelenga jai-jai o kamar moioka abe daku ma tau ma lape hinootoka.

1 Korintusu 10:13

Ho ngini koaho nimahinganono abe ma dadaili mata-mata niohimanga, de gea duru imakadaene dika abe hoka ngone o nyawa mata-mata hohimanga. Moioo de ko iwa ma dadaili abe ka ngini dika inidaene. De ngini ka idadi nimahinganono Ma Jouika, angamoi Una gea watobagou-goungu de Una wohibehehongoka wato winiduhunu. Abe wato nako o dadaili o kia dika niohimanga, gea ko wohigunoaua ma dadaili gea inihikala done ko niakunua nimatongohono. De ma ngekomo ma hoanika ahao winihidailako la ngini ka idadi nihupu nia dadailino la ufa genangoka de niruba.

2 Korintusu 2:7

De naa adonoka ma oraha la ngini niwiapongo de ka idadi niwilaru unangika, done de ai hininga ma dubuho iwilufungu. Angamoi nako ka ihikaika ai hininga itubuho done ahao duru iwilutu genangoka ho ai hininga ko idadiokaua ilio abe hoka ma dihirali.

Filiipi 2:26

De masara ngaro hokogea ma amoko ai duduhunu ngohino, ma ngohi tomatemo tato tihigilio angamoi duru ka ihikaika winihohininga ngini mata-mata. De nagali ma oraha gea una wopanyake de ngini niihenoka ma abari gea. De ahao ma oraha naga iwihingahu unangika ato bari ti ngini nia hininga ihuha abe ngini niwingano-nganono, de gea unangoli ai hininga ma huha naga.

Filiipi 2:28

Ho mangale una duru winihohininga ho hiadono ma oraha naa duru toigo la o Epafroditusu tihigilio nginika la ka idadi nimakamakeoli de ahao nigogarago. De gea la ahi hiningaoo hatoli iuwini.

Filiipi 2:30

angamoi ngade-ngade una wohonenge ma titi o Kristusu ai karajaanga waniiki. De ai wowango wato ka idadi womahidoaka iti ka idadi wao ngohino nia duduhunu abe ngini ma hirete ko idadiua niao. Ho naa o Epafroditusu ngohi tihigilio nginika.