Filiipi 2:26 - Ma Jou ai Demo-demo o Totobelohoka

²⁶ De masara ngaro hokogea ma amoko ai duduhunu ngohino, ma ngohi tomatemo tato tihigilio angamoi duru ka ihikaika winihohininga ngini mata-mata. De nagali ma oraha gea una wopanyake de ngini niihenoka ma abari gea. De ahao ma oraha naga iwihingahu unangika ato bari ti ngini nia hininga ihuha abe ngini niwingano-nganono, de gea unangoli ai hininga ma huha naga.

Filiipi 2:26 ပူးပေါင်းရင်းမြစ်များ

2 Samuele 13:39

De ma dekana ipahaika de o Dautu ai hininga ma huha iowahoka angamoi o Anono ai honenge gea ma dekanoka. Ho naa o Dautu ai hiningaka wato irahai la yomakamakeoli de ai ngofaka o Abasalomo.

Sosawaro 12:25

Nanga hininga ma pusingi duru inahitubuho, masara nanga dodiawo manga higaro ma demo ma rorahai duru inahiuwini hiadono nanga garago ilioli.

Matiusu 11:28

De ahao Una wotemo wato, “Ngini mata-mata abe nia hiningaka de iniboleoka abe imaketero hoka nia pea ihifefele ma titi nia hininga ma gina duru kohadubuho, de gea ngini mata-mata niainohi Ngohino la ka idadi ti ngini nia hininga tohiuwini.

Matiusu 26:37

De Una wao o Peturusu de o Sebedeusu ai ngofaka yahinooto o Yakobusu de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Hidingoto 21:13

De o Paulusu womipaluhu wato, “Done adodoa ho ngini hokonaa niari-ari? Angamoi nia koongoino de duru nihihitubuho ahi hininga! Abe ngohi tanu tomahidiaioka la o Yerusaleemoka de ihibuika, de hongoli ka idadi ona ihitomaka, iti tohiboa o higiriiri nanga Baluhu o Yesusu ai romangika!”

Roma 1:11

De gea ngohi duru toigo tinitutumu la tato ahao ka idadi ma hiowa Ma Jou o Womahoka de aino ahao ngohi tinihikodoku nginika. De ahi hininga ma dumutu la tato ahao ti ngini nia ngongaku utuohi iputurungu ma titi ma hiowaino gea abe nginika tinihikodoku.

Roma 12:15

De nako naga o nyawa abe yogogarago, nginioo ka idadi nigogarago de de ona. Masara nako naga o nyawa abe manga hiningaka yohuha, gea nginioo ka idadi niamao to ona manga huha.

Roma 9:2

De naa ngohi tinihingahu nginika abe to ngohi ahi hiningaka de duru tohuha ma titi ahi gogianongoru o Yahudi ma nyawa ona ko manga ngoe iwioluku o Kristusika ho ahao manga hohowono yadaene onangika. Ho gea ma titi hiadono ngohi naa ka ihikaika ahi hiningaka hoka o hakara angamoi ahi hininga duru itagi onangika.

1 Korintusu 12:26

De nako hiadono ma kiahonanga moi ma odiri yamao, gea ma kiahonanga mata-mataika yamao ma odiri gea. Eko nako hiadono ma kiahonanga moi de ma horomati yamake, gea ma kiahonanga mata-mataika yogogarago. Ho gea ho koaho ngoneoo homaketerimoioka la nanga hininga ma dumutu ka moi dika.

2 Korintusu 9:14

De nia gogianongoru o Yerusaleemoka ahao to ona manga hininga ma dora duru ma amoko itagi nginika. Abe ona ahao ininiata Unangika ma titi ngini, angamoi Ma Jou winipake ngini la wahiowa onangika. Abe Una wohira winihidailako nginika de ahao ipahaino de nginioli niadofanga nia gogianongoruika gea la manga perelu niahingodumu. Ho duru igoungu abe manga hininga ma dora nginika gea ihititi Ma Jou ai hidoakoka abe ma dihiraino de winihidoaka nginika.

Efesusu 3:13

Ho naa ngohi duru togahoko nginika la ufa nia hininga ihuhaholi ma titi ihihikangela ngohino. Angamoi ngaro ahi kangela naa ma titi nginioka, abe o Abari ma Rorahai tinihingahu-ngahu abe ngini ko o Yahudi ma nyawaikaua, masara gea ufa iniruwae nia hiningaka. Angamoi ahi kangelaino gea de idadiokau ti ngini nia utumu hidutu Ma Jou ai hidoaka ma owa itagi nginikaoo!

Filiipi 1:3

Ahi gogianongoru, marai ahi hiningaka ma ngoe ngohi tinihohininga, de tinihininga ma getongo, gea totarimakase Ma Jouika ma titi ngini.

Filiipi 1:8

De ngaro Ma Jou ma hirete, ma Una wohioriki ahi hininga ma dola, abe duru tinihininga de duru tinidora, abe ahi dora nginika itagi gea o Yesusu Kristusu ai dora tapake.

Filiipi 2:25

Masara nako o Epafroditusu, nanga gianongoru o Yesusoka abe nengokadau ngini niwihidingoto la nia hidoaka wao ngohino, una nagahi ngohioka. Masara naa tomaputuhoka tato tihigilio nginika. Naa ma duru una wodadi hoka ahi dodoto ma dutu, de ma ngoe wohiduhunu de wohidodiawo abe una de ngohi o Abari ma Rorahai mimakuduhunu mioodemo.

Filiipi 2:27

De igoungu ma oraha gea una duru wokangela hiadono ngade-ngade wohonenge, masara Ma Jou womihimatoko ai dora ngomino ho hiadono wihimomiki una la ko wohonengua, done ngohi naa ihilutu de ahi hininga ma huha.

Filiipi 4:1

Ho, ahi gogianongoru o Yesusoka abe duru tinidora, ahi behehongo ma ngoe abe tinihibehehongoka naa, ho ahi behehongo naa kiani niongano-nganono la duru nimatongohono nanga Baluhoka. Ngini naa duru tinidora de duru toigo la ngini de ngohi homakamakeoli, abe ma titi ngini ho togarago. De ngini tinihiromangoli tato nidadioka ahi karajaangino ma hofoko.

1 Peturusu 1:6

De gea koaho ngini nigogarago ma titi nia utumu abe ahao niamake Unangino. De igoungu ma oraha naa de ngini ka niohimangohi o kangela ma ngoe abe inihikangela ti ngini nia hiningaka, masara tanu ka idadiohi ngini nigarago ma titi nia utumu dokengika.